Ulandaan 12:13 - Uwumbɔr aagbaŋ

¹³ Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 12:13 ပူးပေါင်းရင်းမြစ်များ

Mpiin 22:12

Le nneel ngbaan bui ke, “Taa ku ubo ngbaan, ki taa ŋa u nibaa. Dandana wee, m bee ke aa san Uwumbɔr ijawaan, ba pu? saa yii ke saan di aajapɔnbaal na ki di toor kitork tii Uwumbɔr.”

1 Bibɔrb 2:3

ki ŋa Aadindaan Uwumbɔr aah bui si ke aa ŋa pu na. Li dii waakaal, ni waamɔkm mɔmɔk, baah ŋmee i pu Moses Aakaal ponn ni na, aan ki kan tinyoor saatuln mɔmɔk ni, ni nin chee mɔk aa buen na.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 147:11

u neen binib bi nyuŋni u ki mak waageehm mu bi n‑yoonn mɔmɔk na pu la.

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 19:23

Kii Uwumbɔr aamɔb ki li kpa limɔfal li fɔk na, ni lipugbiil, ki taa koo tibɔr tibaa ni.

Ŋiyataŋak 23:17

Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Ulandaan 2:3

Maah nan neen ke m kan nlan sakpen pu na, le m nan piin ki nyu ndaan ke nsui li piin. M nan dak ke kina le unii ga ŋmaa ji waamɔfageŋ kimina kitiŋ kee pu.

Ulandaan 3:14

M nyi ke tiwan ni mɔmɔk Uwumbɔr ŋani na aan li kpa ndoon. Saan ŋmaa di nibaa kpee ni pu, kan ŋmaa bar ni pu. Uwumbɔr ŋani kina ke binib li pak u la.

Ulandaan 5:7

Aa yaa daŋni tidaŋ pu na, ki tun tuyɔlyɔl pu na, ki len tibɔr sakpen pu na kan, aa li san Uwumbɔr.

Ulandaan 6:12

Unii aan ŋmaa bee tiwan ni ŋan tii unibɔn, kimɔfageŋ ki kaa kpa tinyoor tibaa ki pinni jer ke kijunjuŋ na ni. Unii aan ŋmaa bee tiwan ni ga ŋa dulnyaa wee ni, waakun aapuwɔb na.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Ulandaan 8:12

Utunwanbirdaan ga ŋmaa bii libiil nfum nkub ki beenin chuun. Mbamɔn, m nyi baah len pu na ke, “Aa yaa kii Uwumbɔr aamɔb kan, aa ŋmar a,

Ulandaan 8:5

Aa yaa keei waamɔb n‑yoonn mɔmɔk kan, saan li bi tibɔbir ni. Ulandaan nyi ke libɔjil aayoonn le bi.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 4:10

tiwan ni nan ŋa, bundaln ni nan sil Nidindaan Uwumbɔr aanimbiin ni, Sainai Aajool taab na. N‑yoonn ngbaan, u nan bui mi ke, ‘Kuun ni maanib ngbaan. M ban bi ŋun maah ga len pu na la, nima kan, bi ga li nyi baah ga kii maamɔb pu, ki ti saa baamɔfal aadoon na. Nima kan, bi ga mɔk baabim, aan bi mu li san mi ijawaan.’

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

Ikaal 6:2

Nimi ni niyaabitiib aah ga li bi limɔfal ni ki ti saa n‑yoonn mu na, ni li pak Nidindaan Uwumbɔr ki li joo waakaal i m di mɔk nimi na mbamɔm, aan ki yunn kitiŋ ngbaan ni.

1 Piita 2:17

Ni li pak binib mɔmɔk, ki li gee binib bimɔk dii Yesu aasan na, ki li san Uwumbɔr, ki li pak ubɔrkpaan na.

Tibɔkpiirkaan 19:5

Le nneel nyan ni libɔrjal chee ki len ke, “Nimi bimɔk ye timi Aawumbɔr aatutum ki san u na, biwaatiib ni bipɔɔndam, ni mɔmɔk pak u man.”

1 Samuel 12:24

Kii tii Uwumbɔr man, ki di gaakii, ni nisui mɔmɔk tun tii u. Teer man litusakpeln li u tun tii nimi na.