Ulandaan 11:9 - Uwumbɔr aagbaŋ

⁹ Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 11:9 ပူးပေါင်းရင်းမြစ်များ

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 6:2

le ŋiniwɔk nan yoor baah gee bi na, ki di ŋa bipuutiib.

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

1 Bibɔrb 18:27

Nwiin aah kal sisik ni na, le Elaija piin ki joo bi ŋani yaansara ke: “Li mee mpɔɔn pu man. Li sil ye liwaal la. Nibaakan li ka gbaa tibɔr libaabaa la, bee li bi sɔnni la, bee li ga li buen nsan la. Nibaakan li ga li dɔ geen la, ni ga finn li la.”

1 Bibɔrb 22:15

Waah ti sil Ubɔr Ahab aanimbiin ni na, le ubɔr baa u ke, “Mikaya, m ni Ubɔr Jehosafat ga ŋmaa buen ti tak Ramof aatiŋ aan taan ŋman?” Le Mikaya nan gar u ke, “Ti tak man. Ni ga sil nyaŋ, Uwumbɔr ga tii nimi linyaŋ.”

Job Aagbaŋ 31:7

M yaa fenn mpuwɔb tii nsanyaan, bee m di mbaa tii kinimbɔŋ ki cha ŋŋaal meeh titunwanbir kan,

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Ulandaan 2:10

M nan kani tiwan nimɔk m ban na. M nan ji mmɔɔn maah gee pu na la. M nan mak maah tun ki kan tiwan ni mɔmɔk na pu. Nimina mɔmɔk nan ye maapar la.

Ulandaan 3:12

Le m bee ke buyoonn ti laa bi dulnyaa wee ni na, ti li kpa mpopiin ki tun taah ga ŋman pu na.

Ulandaan 3:17

Le m bui mbaa ke, “Uwumbɔr ga ji binib bi aabimbin ŋan na, ni titunwanbirdam tibɔr la, ba pu? tiwan mɔmɔk, ni lituln mɔmɔk, ga ŋa n‑yoonn mu u siin ni na la.”

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Ulandaan 7:14

Tiwan yaa laa ŋan tii si kan, li kpa mpopiin, le tibɔr yaa nan dan kan, teer ke Uwumbɔr le joo ni mpopiin ni tibɔr mu. Saan ŋmaa bee tiwan ni mu ga ki ŋa na.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Inandalahn 3:27

Le ni ŋan ke ti bae limɔr buyoonn ti laa pɔɔn na.

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Nkahm 22:32

Le ntuun ngbaan baa u ke, “Ba ŋa aa faa saabon ngbaan nfum mutaa mɔmɔk kina? Naa lir si ke aa buen nsan ngbaan, nima pu le m dan ke m nan kiir si nsan ni.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

Tibɔnyaan ti Luk ŋmee ti na 12:19

Le m ga bui mbaa, M kpa tijikaar ti ga fuu mi ŋibin sakpen na. M ga fuur, ki ji, ki nyu, ki li mɔɔni.’

Lituln 14:16

N‑yaayoonn na, u nan cha ŋinibol mɔmɔk ŋani baah gee pu na.

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

Rom Yaab 14:10

Sin, ba ŋa aa galn aana aabo? Sin, ba ŋa aa lik aana aabo fam? Ti mɔmɔk ga sil Uwumbɔr aanimbiin ni, le u ji timi tibɔr.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.