Ulandaan 11:5 - Uwumbɔr aagbaŋ

⁵ Uwumbɔr le naan tiwan mɔmɔk, le saan ki ŋmaa bee waah tun pu na, ke saah kaan ŋmaa bee ubo aah naani upudaan aapuul ponn ni pu na.

Ulandaan 11:5 ပူးပေါင်းရင်းမြစ်များ

Job Aagbaŋ 37:23

Uwumbɔr aapɔɔn nyaŋ sakpen, le taan ŋmaa duun ni u; u kpa mbimbinyaan ki bi chob unibɔn chee.

Job Aagbaŋ 38:4

Maah nan naan dulnyaa na, aa nan bi ii? Aa yaa nyi sakpen kan, bui mi ti ponn ni.

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Ilahn 104:24

Uwumbɔr, aa naan tiwan sakpen a. Aa di nlansakpem le naan ni mɔmɔk, saawanfuurkaan le gbii kitiŋ pu.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 92:5

Uwumbɔr, saatun nyaŋ sakpen. Saalandak nyoo pam.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:6

Libuln daar cha ŋŋangii wɔb, le ki daar cha ŋŋangan wɔb, li daar ki manni gonni, le ki ti ki fuu laah piin nin chee na.

Ulandaan 11:4

Aa yaa ka kii ke libuln ni mbimbin ti ŋeer kan, saan bu nibaa, kaan chee nibaa mu.

Ulandaan 3:10

M nyi Uwumbɔr aah di litusakpeln li tun timi na.

Ulandaan 3:11

U siin tiwan mɔmɔk aayoonn dee dee la. U cha ti kpa lineen ke ti li nyi n‑yoonn mu choo na aabɔr, le kaa tee tii timi nsan ke ti bee waah tun pu na aatataa mbamɔm.

Ulandaan 7:24

Ŋma ga ŋmaa bee limɔfal aatataa aah ye pu na? Naatataa pɔɔ pam ke ti bee ni.

Ulandaan 8:17

kaan ŋmaa bee Uwumbɔr aah ŋani tiwan ni na. Aa gee aa pɔɔn aabaa ba pu, saan bee ni daalbaadaal. Bilandam ga ŋmaa bui ke bi nyi, ki mu aa nyi.

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Jɔnn 3:8

Libuln daar cha laah ban nin chee na, le aa ŋun laah kpa kifuuk pu na, kaa nyi laah nyan ni nin chee na, ki mu aa nyi laah cha nin chee na. Ni bi kina le ki tii unii umɔk Uwumbɔr Aafuur Nyaan ma u na.”

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.