Ulandaan 10:8 - Uwumbɔr aagbaŋ

⁸ Aa yaa gbii libuul bil kan, sin le ga nan lir li ponn ni. Aa yaa saa kar ligoln lii kan, uwaa le ga juu si.

Ulandaan 10:8 ပူးပေါင်းရင်းမြစ်များ

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Samuel 18:15

le Joab aajab kipiik san nan kpee u pu, ki ku Absalom.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Ilahn 57:6

Maadim di kipɔɔk le pen mi ke ki chuu mi; ntaakpayɔl le nyaŋ mi. Bi gbii libuul bil maasan ni, le ki labr lir li ponn ni bibaa.

Ŋiyataŋak 11:6

Mbimbinyaan le gaal ubamɔndaan lir, le saah kaan ŋmaa nyu unii u pu baala na aakumɔŋ chur u ŋani tibɔr ni.

Ŋiyataŋak 26:27

Binib bi pen biken gaawɔb tiib na, gaawɔb tiib ngbaan le ga ki gir chur bi. Aa yaa bil unii litakpal nsan ni kan, sin le ga nan ki gbeer li ki lir.

Ulandaan 10:9

Aa yaa tun lituln baah kpii ŋifakuu nin chee na kan, aa gbeer ŋifakuu la. Aa yaa lar idɔ kan, nima chee le aa kani titotonn.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Amos 9:3

Bi yaa jon ti kal Kamel aajool paab kan, m ga ban kan bi ki chuu bi. Bi yaa koo nnyusakpem aataab ki ti bɔr mi kan, m ga cha nnyusakpem ponn ni aapeewanbiik juu bi.

Bibɔjirb 9:5

U nan buen ute do, Ofra aatiŋ ni, le ki ti ku ute Gideonn aajapɔtiib imonko itaa ni kipiik ngbaan paan litakpabaal pu nima chee. Tɔ, Gideonn aajapɔɔn uwaatiir Jotam nan bɔr, le baa kan uma ki ku u.