Ulandaan 10:20 - Uwumbɔr aagbaŋ

²⁰ Taa loon ki su ubɔr aapuwɔb, ki taa koo saadiik ni ki su unii u ye uwankpadaan na aapuwɔb. Nibaakan, unyoon le ga di tibɔr ngbaan buen ti tuk bi saah len pu na.

Ulandaan 10:20 ပူးပေါင်းရင်းမြစ်များ

2 Bibɔrb 6:12

Le bi ponn ni ubaa gar u ke, “Mpɔɔndaan, ubaa aa bi. Uwumbɔr aabɔnabr Elaisa le tuk u saah len pu na. Hali aa yaa bi saadiik ni le ki loon len ti kan, u ga ŋun.”

Esta 2:22

Modekai nan ŋun tibɔr ngbaan le ki bui Ubɔrpii Esta, le u mu tuk ubɔr, ki mu bui u ke Modekai le kpiir ti tuk u.

Nnyam 22:27

ba pu? nibaakan, nima baanja le u kpa ki ga di biin ubaa pu aan ni lee u tiwoor. Aa yaa kaa giin ni tii uwandaan kan, u ga di ba biin ubaa pu ki doon? Aa yaa kaa giin ni tii uwandaan kan, n‑yoonn mu u wii yin mi ke m ter u na kan, m ga kii u ki ter u, ba pu? m ye unimbaasaln daan la.

Nnyam 22:28

“Ni taa len Uwumbɔr tibɔbir, ki taa puun lii nimi aaninkpel ubaa pu.

Nnyam 8:3

Le ŋipulaatal ga gbiin Nail aamɔɔl mɔmɔk ni, le ki nya dan saabɔrdichal ni, ki koo saadidookaan, ni saawandookaan pu, ni saaninkpiib, ni saanib mɔmɔk aadichal ni, hali ifan ponn ni, ni ŋisambil ponn ni, ga li ye ŋima la.

Aisaya 8:21

Binib ngbaan ga li chuun kpak kitiŋ ngbaan pu, kaan kan nibaa bi ji ki nyu mu. Baakon ni baaŋuul ngbaan pu bi ga puun lii baabɔrkpaan ni Baawumbɔr pu. Nibaakan bi ga lik kitaapaak,

Tibɔnyaan ti Luk ŋmee ti na 10:40

Mata le tun tichann aatuln ki bi gonni ki ti bak. Nima le u dan nan bui Yesu, “Ndindaan, nnaal cha mi baanja le channi nimi tichann kaa ter mi. Aatafal aa bi ni ni ii? Bui u ke u ter mi.”

Tibɔnyaan ti Luk ŋmee ti na 19:40

Le Yesu bui bi, “M tuk nimi la, bi yaa ŋmin kan, ŋitakpal ŋimina ga li tar la.”

Lituln 23:5

Le Pɔɔl len ke, “Nnaabitiib, maa nyi ke u ye Uwumbɔr aatotoorninkpel. M yaa ba nyi kan, maa ba ga len kina; ba pu? ni ŋmee Uwumbɔr Aagbaŋ ni ke, ‘Taa len saanib aaninkpel tibɔbir.’”