Ulandaan 1:9 - Uwumbɔr aagbaŋ

⁹ Tiwan ni puun dan na ga ki gir dan. Tiwan ni puun ŋa na ga ki gir ŋa. Tiwan nibaa aa bi dulnyaa wee ni ki ye tiwapɔnn.

Ulandaan 1:9 ပူးပေါင်းရင်းမြစ်များ

Ulandaan 1:10

Bi len le ke, “Lik, tiwapɔnn nibaa sɔ.” Aayii, ni puun dan n‑yoonn mu jer na. Ni puun dan ni yunn le bi nan nin ma timi.

Ulandaan 2:12

Naah ye pu na le ye ke ubɔr tun bibɔrb bi loln u pu nsan na aah nan tun pu lii na pu la. Kina pu le m piin ki bi dakl lik nlan, ni tafalaaŋun aatun, ni kijɔrk aatataa aah ye pu na.

Ulandaan 3:15

Tiwan ni mɔmɔk ŋa na, ni tiwan ni ga ŋa na, puun ŋa n‑yoonn mu jer na. Uwumbɔr cha tiwan chachaan ngbaan ŋani le ki gir ŋani.

Ulandaan 6:10

Tiwan ni mɔmɔk ŋani na nan kan naasisii n‑yoonn mu jer na la, le ti mɔmɔk nyi ke unii aan ŋmaa kpak unii u pɔɔ jer u na kinikpakpak.

Ulandaan 7:10

Taa baa daalbaadaal ke, “Ni ŋa kinye le n‑yaayoonn na aawan nan ŋan ki jer dandana wee aawan?” Naa ye nlan aabaan.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

Tibɔkpiirkaan 21:1

Le m kan paacham pɔɔn, ni kitipɔŋ; njan aapaacham, ni njan aatiŋ na jer a. Nnyusakpem mu aa ki bi.

Tibɔkpiirkaan 21:5

Le Uwumbɔr u ka libɔrjal ngbaan pu na len ke, “Lik, m ŋa tiwan mɔmɔk nipɔnn.” Le u mu bui mi ke, “Ŋmee kina; ba pu? tibɔr timina ye mbamɔn, ki ga sil ŋa kina.”