Ulandaan 1:6 - Uwumbɔr aagbaŋ

⁶ Libuln daar cha ŋŋangii wɔb, le ki daar cha ŋŋangan wɔb, li daar ki manni gonni, le ki ti ki fuu laah piin nin chee na.

Ulandaan 1:6 ပူးပေါင်းရင်းမြစ်များ

Job Aagbaŋ 37:17

Ŋŋangii wɔb aabuln yaa muk kitiŋ le kan, aa ga ji ntoton aafalaa.

Job Aagbaŋ 37:9

Titaabunn aabuln nyani ŋŋangii wɔb, le libusɔsoon li koo ikpab ni na nyani ŋŋangan wɔb.

Ilahn 107:25

U nan di umɔb le len, le libusakpeln piin ki bi daar le ki fiin tinyunkpenn.

Ilahn 107:29

U nan cha kitaabuŋ ŋmin chii, le tinyunkpenn doon suuna.

Ulandaan 1:7

Limɔɔl mɔk puu cha nnyusakpem ni la, le nnyusakpem aa kpa ke mu gbiin. Nnyun ngbaan gir cha nin chee ŋimɔɔ ngbaan piin na la, le ki ti ki piin ni.

Ulandaan 11:5

Uwumbɔr le naan tiwan mɔmɔk, le saan ki ŋmaa bee waah tun pu na, ke saah kaan ŋmaa bee ubo aah naani upudaan aapuul ponn ni pu na.

Jona 1:4

Tɔ, Uwumbɔr nan cha libupɔɔl libaa dan nan lir nnyusakpem ngbaan pu, libuln ngbaan nan bir pam, le buŋɔb ngbaan nan ban bu wii ki muin.

Matiu 7:24

“Nima pu na, unii umɔk ŋun maabɔr ngbaan ki ŋani kina na, naahn unii u kpa nlan, ki maa waadiik litakpal pu na.

Matiu 7:27

Utaal nun, le nwam nyan, le libuln daar ki pee kidiik ngbaan; le ki lir. Ki lir kookoo la.”

Jɔnn 3:8

Libuln daar cha laah ban nin chee na, le aa ŋun laah kpa kifuuk pu na, kaa nyi laah nyan ni nin chee na, ki mu aa nyi laah cha nin chee na. Ni bi kina le ki tii unii umɔk Uwumbɔr Aafuur Nyaan ma u na.”