Ulandaan 1:13 - Uwumbɔr aagbaŋ

¹³ M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:13 ပူးပေါင်းရင်းမြစ်များ

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Job Aagbaŋ 28:3

Unibɔn fikr koo mbɔmbɔɔn sakpiin ni. Bi koo kitiŋ taab taab ki lik, le ki gbii ban ŋitakpal mbɔmbɔɔn ni.

Ilahn 111:2

Uwumbɔr aah tun ŋitun ŋi na nyaŋ a. Binib bi mɔmɔk aasui piir ŋi pu na ban ke bi bee ŋaatataa.

Ŋiyataŋak 18:1

Binib bi kaa gee kaa biken chee na aatafal aa bi biken aabɔr ni; bi ga yii tiwan ni binib biken nyi ke ni ye tiwanyaan na.

Ŋiyataŋak 18:15

Binib bi kpa ichiin na aanimbil man, le bi gor n‑yoonn mɔmɔk ke bi bae tiwan niken.

Ŋiyataŋak 23:26

Maabo, pel mbamɔm ki cha maabimbin li ye limɔkl ki tii si.

Ŋiyataŋak 25:2

Ti pak Uwumbɔr, waah joo tibɔr ti bɔrni timi na pu, ki pak bibɔrkpaam mu, baah kpiir ni mɔk timi na pu.

Ŋiyataŋak 4:7

Nlan aakam le ye tiwankpaan ni aa ga ŋa na. Li ban nlan ki jer tiwan ni mɔmɔk aa neen na.

Ulandaan 1:17

M nan puu ke m ga bae ki bee nlan ni kijɔrk aah kaa kpaa pu na, ki bee Uwumbɔr do aalan mu, ni kiwaatiik aah kaa kpaa pu na, le ki kan ke m bi san dii libuln la.

Ulandaan 11:5

Uwumbɔr le naan tiwan mɔmɔk, le saan ki ŋmaa bee waah tun pu na, ke saah kaan ŋmaa bee ubo aah naani upudaan aapuul ponn ni pu na.

Ulandaan 12:12

Maabo, tiwan ki bi ke aa li nyi nibɔr. Tigbann aaŋmeen aa kpa ndoon, le aa yaa bae sakpen kan, aa ga ti bak la.

Ulandaan 2:23

N‑yoonn mumɔk aa bi limɔfal ni na, saatuln mɔmɔk joo ni limukl ni iyiween la. Hali kinyeek kan, saa ŋmaa doon ki fuur. Ni mɔmɔk ye fam la.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Ulandaan 3:10

M nyi Uwumbɔr aah di litusakpeln li tun timi na.

Ulandaan 3:11

U siin tiwan mɔmɔk aayoonn dee dee la. U cha ti kpa lineen ke ti li nyi n‑yoonn mu choo na aabɔr, le kaa tee tii timi nsan ke ti bee waah tun pu na aatataa mbamɔm.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 7:25

Le m nan di maalandak mɔmɔk tii ichiin ni liwanbae; m nan puu ke m kan nlan ni ngarm ki tii mbaan mu m kpa na, ki bae mbiin aah ye kijɔrk ni ilatiir pu na.

Ulandaan 8:9

Maah nan kal ki dakl lik tiwan ni ŋani dulnyaa, u ponn ni binib bibaa kpa mpɔɔn, biken mu ji falaa bi chee na ni, le m nan kan nimina mɔmɔk.

1 Timoti 4:15

Maah tuk si pu na, li ŋani kina mbamɔm ki cha aanimbil li man ni pu, aan binib mɔmɔk bee saah dii Yesu aasan mbamɔm pu na.