Taitus 3:5 - Uwumbɔr aagbaŋ

⁵ ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

UWONBƆR A GBƆNPƆŊ LIKƆƆNL

⁵ le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

Taitus 3:5 ပူးပေါင်းရင်းမြစ်များ

Job Aagbaŋ 15:14

Unibɔn ulau bi chain? Ŋma ga li ŋan Uwumbɔr chee ki ti doo?

Job Aagbaŋ 25:4

Ŋma ye ki kpa mbimbinyaan ki bi chain Uwumbɔr chee?

Job Aagbaŋ 9:20

Maa kpa taani le ki tun ni ŋan na, tɔ, maamɔbon mu tee naahn ŋaah kpa na, le maah len tibɔr timɔk na naahn taah bii mi le na.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 143:2

Taa ji mi, saatutunn tibɔr; ubaa aa bi kaa kpa taani aa chee.

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Ilahn 62:12

ki ki len ke waageehm bi n‑yoonn mɔmɔk. Uwumbɔr, si aabaa le pa unii waatuln aah ŋeer pu na.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Matiu 3:11

Mma muini nimi nnyun ni la, ki mɔk ke ni kpeln nimi aabimbin. Unii u paa ni m pu na jer mi. Maa ŋeer m chuu takl waanaatak tii u. Uma le ga nan muin nimi Uwumbɔr Aafuur Nyaan, ni mmii ni.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.

Tibɔnyaan ti Luk ŋmee ti na 1:54

Waah nan puu tipuur ti tii tiyaajatiib na, u ŋa kina la, ki ter waatutum Israel yaab.

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

Rom Yaab 11:14

ba pu? m ban ke maanibol Juu yaab kan naah ŋmar pu na, aan ki li ban ke bi mu ŋmar.

Rom Yaab 11:6

Waah lee bi waanimbaasaln pu na kan, naa ye baatuln pu le u lee bi. Ni yaa ye baatuln pu kan, waanimbaasaln aan ki li ye linimbaasaln bamɔnn.

Rom Yaab 12:2

Ni taa ki li bi ke dulnyaa wee aanib aah bi pu na. Kpeln nimi aalandak man aan ki kpeln nimi aabimbin. Nima le ni ga bee Uwumbɔr aah gee pu na. Ni ga bee naah ga ŋa pu ki li bi mbamɔm ki tun litunyaan ki piir usui na.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Rom Yaab 3:28

Nima pu na, ti bee ke ti yaa gaa Yesu ki kii kan, Uwumbɔr ga len ke timi aabɔr ŋan. Naa ye ke ti joo waakaal mbamɔm le cha u len kina.

Rom Yaab 4:5

Tɔ, unii u kaa joo nkaal na yaa gaa Uwumbɔr u di cha pinn titunwanbirdam na ki kii kan, waah gaa Uwumbɔr ki kii na, nima le Uwumbɔr ga len ke waabɔr ŋan.

Rom Yaab 9:11

Le Uwumbɔr nan bui Rebeka ke ubo u ye uwaatiir na ga jer ukpel. Buyoonn Uwumbɔr bui u kina na, waa nan kee ma mbim ngbaan. Baa nan kee ŋa ni ŋan na, bee ni kaa ŋan na. Uwumbɔr nyan mbim mulee ngbaan ponn ni ubaa, waageehn pu, naa ye baatuln pu. Nima le mɔk ke Uwumbɔr aageehn pu le u nyan waah ban unii u na.

Rom Yaab 9:16

Naa ye binib aageehn pu, kaa ye baatuln pu; Uwumbɔr aanimbaasaln pu, le u san bi kinimbaak.

Rom Yaab 9:30

Nima pu na, ti ga len kinye? Binib bi kaa ye Juu yaab na aanimbil aa nan man ke Uwumbɔr len ke baabɔr ŋan. Dandana wee, baah gaa Yesu ki kii na, nima le Uwumbɔr len ke baabɔr ŋan.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

Galantiya 2:16

le ti mu nyi ke unii yaa dii Moses aakaal kan, nima le aan cha Uwumbɔr len ke waabɔr ŋan. Unii yaa gaa Yesu Kristo ki kii kan, nima le ga cha Uwumbɔr len ke waabɔr ŋan. Le ti gaa Yesu Kristo ki kii; ba pu? taah gaa u ki kii pu na, nima le cha Uwumbɔr len ke timi aabɔr ŋan, naa ye ke ti dii Moses aakaal mbamɔm le cha u len; ba pu? Uwumbɔr aan len ke unii ubaa aah dii nkaal ngbaan pu na le cha waabɔr ŋan.

Efesusi 2:4

Tɔ, Uwumbɔr mu kpa linimbaasaln sakpen, ki gee timi sakpen.

Efesusi 4:23

Cha Uwumbɔr kpeln nimi aasui aan ki ŋa nimi nsuupɔɔn,

Efesusi 5:26

U nan kpo bi pu, ke u ŋa bi chain. Baah ŋun waabɔr na, le u nyan titunwanbir bisui ni, le bi muin bi nnyun ni,

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

Kolosiya 3:10

ki yoor mbimbipɔm la. Uwumbɔr le tii nimi mbimbipɔm ngbaan, ki bi toor mu, ke ni moo bee u, ki li naahn u.

2 Timoti 1:9

U gaa timi lii, ki yin timi ke ti li bi chain. Naa ye timi aatunyaan pu le u yin timi. Waah kpa tibulchinn pu na, nima le u yin timi waageehn pu. Waah kaa nan kee naan dulnyaa buyoonn na, le u nan ŋa timi tibulchinn ngbaan Yesu Kristo pu.

Taitus 3:4

Le Uwumbɔr u gaal timi lir na mɔk timi waah kpa tibulchinn ki gee timi pu na,

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 4:16

Timi aatotoorninkpel aah bi kina na, cha ti li kpa lipobil ki dan Uwumbɔr u kpa tibulchinn na aabɔrjal chee, aan u san timi kinimbaak, ki ter timi buyoonn ti ban nterm na.

Hiibru Yaab 6:6

Baah di cha waasan na, ni mɔk ke bi ki bi kpaa Uwumbɔr Aajapɔɔn ndɔpuinkoo pu, ki jinn u inimɔɔn binib aanimbil ni la, le saan ŋmaa cha bi ki kpeln baabimbin ki ki dii u.

1 Piita 1:3

Cha ti pak Uwumbɔr u ye Tidindaan Yesu Kristo Aate na; ba pu? u san timi kinimbaak sakpen a, ki gir ma timi lelee, ki di timi ŋa waabim. U nan fikr Yesu Kristo nkun ni. Nima le ti kpa limakl li bi n‑yoonn mɔmɔk na.

1 Piita 2:10

N‑yoonn mbaa naa nan ye Uwumbɔr aanib. Dandana wee ni ye Uwumbɔr aanib la. N‑yoonn mbaa Uwumbɔr aa nan san nimi kinimbaak. Dandana wee u san nimi kinimbaak.

1 Piita 3:21

Nnyun ngbaan le ye baah muini binib nnyun ni na aamɔkl. Dandana wee, bi yaa muin nimi nnyun ni kan, ni ŋmar a; ba pu? Yesu Kristo nan fikr nkun ni. Nima le cha ni ŋmar. Bi yaa muin nimi nnyun ni kan, naa ye ke bi fu nimi aawon nnyun tiwon aajɔŋ pu la. Ni ye ke ni di titunwanbir di lii, ki puu tipuur ke ni ga dii Uwumbɔr.