Taitus 2:8 - Uwumbɔr aagbaŋ

⁸ Li len iliin i bi chob kaa kpa ngalm na, aan udin ubaa taa ŋmaa bii timi. Nima kan, inimɔɔn ga chuu u.

UWONBƆR A GBƆNPƆŊ LIKƆƆNL

⁸ Ki li pag ibamɔn yan wee uba kaa li fir pag bii ti, wee ban kaa chee a wɔɔm nmɔn n ji ifa, nan bu-n baa jɔɔ niba a bɔbir ki li fir pag sei ti.

Taitus 2:8 ပူးပေါင်းရင်းမြစ်များ

Nehemia 5:9

Le m ki bui bi ke, “Naah ŋani pu na aa ŋan. Ni ba ga li san Uwumbɔr ki ŋa ni ŋan na. Nima kan, timi aadim bi kaa ye Juu yaab na aan ŋmaa kan nsan ki ŋa timi mbɔnyun.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Tibɔnyaan ti Mak ŋmee ti na 12:17

Le u bui bi ke, “Di ni ye Siisa yaan na, ki di tii u man, ki di ni ye Uwumbɔr yaan na tii Uwumbɔr.” Waah len kina na, le ni gar bi pam.

Tibɔnyaan ti Mak ŋmee ti na 12:28

Le Uwumbɔr aakaal aamɔmɔkb ponn ni ubaa nan bi nima, le ki ŋun baah gbaa tɔb chee tibɔr pu na, ki bee ke Yesu aah len pu na, u gar bi mbamɔm la. Le u dan Yesu chee, ki nan baa u ke, “Mulakaal ye nkaal kpaan?”

Tibɔnyaan ti Mak ŋmee ti na 12:32

Le u bui Yesu ke, “Umɔmɔkr, aa len mbamɔn la. Saah bui ke Uwumbɔr ye Uwumbɔr baan na, ti gbii la. Ubaa aa bi ki kpee u pu.

Tibɔnyaan ti Mak ŋmee ti na 12:34

Le Yesu bee ke u len nlan aabɔr la. Le u bui u, “Saa daa Uwumbɔr aanaan ni.” Baah len tibɔr ngbaan doo na, ubaa aa ki kaa u baa Yesu mbaan kpee.

Tibɔnyaan ti Luk ŋmee ti na 13:17

Yesu aah len kina na, le inimɔɔn chuu binib bimɔk kpak u kinikpakpak na. Waah tun lijinjiir aatun pam pu na, le kinipaak ngbaan mɔmɔk nan kpa mpopiin pam.

2 Tesalonika 3:14

Unii ubaa yaa kaa dii taah tuk nimi kigbaŋ kee ponn ni pu na kan, ni daan udaan ngbaan, ki taa kpaan u chee. Nima le ga cha inimɔɔn chuu u.

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

1 Timoti 6:3

Tidindaan Yesu Kristo aabɔr le ye tibɔnyaan, ki mɔk timi taah ga dii Uwumbɔr aasan mbamɔm pu na. Unii ubaa yaa mɔk bi mmɔkm yayan kaa kii tibɔr ngbaan kan,

Taitus 3:14

Ni ŋan ke Yesu aanib bae ke ni ŋan ke bitafal li bi litunyaan ponn ni, ki li ter binib bi ban nterm na, aan ki taa li bi fam.

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Piita 2:15

Uwumbɔr ban ke ni tun litulnyaan aan ki cha bijɔrb bi kaa nyi nibaa ki bii nimi na ŋmin la.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.