Taitus 1:9 - Uwumbɔr aagbaŋ

⁹ ki li joo taah nan tuk u tibɔnyaan ti ye Uwumbɔr aabɔr bamɔnn na, aan ki mɔk binib mmɔkm mu ŋan na, ki pɔɔk bitaakpab, ki len tibɔr ki nyaŋ binib bi kpak u kinikpakpak na.

UWONBƆR A GBƆNPƆŊ LIKƆƆNL

⁹ Ki li ŋmag ibamɔn a bɔr tan wee bi nan wɔɔn win kenken, wee ki fir pɔɔg u kpiɛtiib a gbanann nin ibamɔn a wɔɔmin, wee ki fir nyaŋ ban biɛn kaa cheel tibɔŋann nmɔn nin.

Taitus 1:9 ပူးပေါင်းရင်းမြစ်များ

Job Aagbaŋ 2:3

Le Uwumbɔr baa u ke, “Aa kan maatutunn Job aah bi pu na aan saa kan. Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir. Aa nan muk mi ke m cha aa ti tak u, ntakn mu kaa kpa tataa na pu, le Job beenin kpa gaakii ke waah nan kpa pu na.”

Job Aagbaŋ 27:6

Maan di cha ki bui ke maabɔr bii daalbaadaal; m nyi ke maa kpa taani.

Ŋiyataŋak 23:23

Mbamɔn, ni ichiin, ni mbaem, ni nlan mu ŋan na, le ye tiwan ni ŋan ke aa di saamombil pa ni pu na, le ki ye tiwan ni saan ŋmaa di kooh na.

1 Korenti 14:24

Le ni mɔmɔk yaa nabr Uwumbɔr aah len pu na kan, unii u kaa gaa Yesu ki kii na, bee unii u kaa nyi Yesu aasan na yaa koo ni kan, ni mɔmɔk aah len pu na le ga cha waalandak li muk u, ki cha u bee waatunwanbir aah bi pu na,

1 Tesalonika 5:21

Ni li lik tibɔr mɔmɔk aah bi pu na, ke ti ŋan aan taa ŋan, ki li joo ti ŋan na mbamɔm.

2 Tesalonika 2:15

Nnaabitiib, nima pu na, ni li dii u mbamɔm, ki taa di cha. Taah tuk nimi Uwumbɔr aabɔr ti, timɔb ni, ni kigbaŋ ni pu na, ni li joo tibɔr ngbaan mbamɔm.

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

1 Timoti 1:15

Yesu Kristo nan dan dulnyaa wee ni ke u nan nyan titunwanbirdam baatunwanbir ni la. Tibɔr timina gbii la. Ni ŋan ke binib mɔmɔk gaa ti ki kii. Min le ye titunwanbirdaan ki jer binib mɔmɔk.

1 Timoti 1:19

ki tii Yesu naadii mbamɔm, ki taa di cha, ki li ŋani tiwan ni aa bee ke ni tok na. Binib bibaa bi, ki nyi ni ŋan na, ki mu aa ŋani kina. Nima le baa ki dii Yesu aasan.

1 Timoti 4:9

Tibɔr tee gbii la. Ni ŋan ke binib mɔmɔk gaa ti.

1 Timoti 6:3

Tidindaan Yesu Kristo aabɔr le ye tibɔnyaan, ki mɔk timi taah ga dii Uwumbɔr aasan mbamɔm pu na. Unii ubaa yaa mɔk bi mmɔkm yayan kaa kii tibɔr ngbaan kan,

2 Timoti 1:13

Aa nan gaa Yesu Kristo ki kii le ki gee u; nima pu na, aa li joo maah tuk si tibɔnyaan ti na mbamɔm.

2 Timoti 2:2

Aa nan ŋun Uwumbɔr aabɔr m chee kinipaak aanimbil ni. Di tibɔr ngbaan ŋa bijab bi bi mbamɔm ki ga ŋmaa tuk biken na aaŋaal ni.

2 Timoti 2:25

ki li bi suuna ki sur binib bi kpak u kinikpakpak na. Nibaakan, Uwumbɔr ga cha bi kpeln baabimbin ki bee waabɔr ti ye mbamɔn na,

2 Timoti 3:14

Sin ma kan, aa bae Uwumbɔr aabɔr, ki sil bee ke ti gbii la. Aa li beenin dii kina; ba pu? aa bee ke binib bi mɔk si na ye mbamɔndam la.

2 Timoti 4:3

Ba pu? n‑yoonn choo, le binib aan ki pel mmɔkm mu ŋan na. Bitafal aan li bi mu ni. Bi ga li ban bimɔmɔkb bi ga tuk bi bisui aah gee tibɔr ti na la.

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Taitus 2:1

Sin ma kan, mɔk binib mmɔkm mu ŋan na.

Juud 1:3

Maanigeekaab, nnimbil nan man ke m ŋmee kigbaŋ ki tuk nimi Uwumbɔr aah gaal timi lir pu na aabɔr tii nimi. M mu aa ŋmee kina; ba pu? ni muk mi ke m ŋmee kigbaŋ ki gaŋ nimi ke ni li pɔɔni nibaa ki li joo Uwumbɔr aabɔr, ki yii binib bi bii ti na. Uwumbɔr le nan di tibɔr ngbaan tii waaninyaam. Ubaa taa kpeln ti.

Tibɔkpiirkaan 3:11

M ga gir ni mala. Ni li beenin dii maasan mbamɔm ke naah dii pu dandana wee na, ubaa taa leŋ nimi aapiin nsan ni.

Tibɔkpiirkaan 3:3

Nima pu na, teer man naah nan ŋun Uwumbɔr aabɔr ki gaa ti pu na. Ni li keei ti man, ki kpeln nimi aabimbin. Ni yaa kaa finn ngeen pu kan, m ga dan ni chee ke unaayuk aah ga dan pu na. Naan li nyi buyoonn m ga dan ni chee na.