Taitus 1:8 - Uwumbɔr aagbaŋ

⁸ Ni ŋan ke u li ye unii u channi bicham tichann na, ki li gee lituln li ŋan na, ki li kpa laasaab, ni mbimbinyaan, ki li bi chain, ki li chur ubaa,

UWONBƆR A GBƆNPƆŊ LIKƆƆNL

⁸ Amaa ni kpaa talar le nin u li gaan bicham, ki li ye wan ban nan ŋan, ki li ye wan fir chor u ba, ki li ye wan jɔɔ lasaab, ki li be kasi nin uba a ŋmagimin.

Taitus 1:8 ပူးပေါင်းရင်းမြစ်များ

1 Bibɔrb 5:1

Taya aatiŋ Aabɔr Hiram aajɔ le nan ye David. Waah nan ŋun ke Solomonn le nab ute David aanaan pu na, u nan tun bininkpiib u chee.

1 Bibɔrb 5:7

Hiram aah ŋun tibɔr ngbaan na, le usui nan piir ki ti nyaŋ, le u bui ke, “Pak Uwumbɔr din wee, waah tii David ubolandaan u ke u nab waanaan pu, litimbol kpaan lee ni na.”

Ilahn 16:3

Uwumbɔr aanib bi dii u mbamɔm na ŋan sakpen a. Tiwan ni piir nsui sakpen na le ye ke m li bi bi chee.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Tibɔnyaan ti Luk ŋmee ti na 2:25

Uja ubaa nan bi Jerusalem aatiŋ ni. Bi nan yin u ke Simeonn. U nan ye uninyaan la, ki dii Uwumbɔr aakaal mɔmɔk mbamɔm, ki lik bundaln Uwumbɔr ga nyan Israel yaab baafalaa ni na. Uwumbɔr Aafuur Nyaan nan bi u chee,

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

1 Tesalonika 2:10

Nimi bi gaa Yesu ki kii na, ti ŋa nimi mbamɔm la, ki nan bi chain, kaa nan kpa taani ubaa joo cha ni wɔb. Ni ni Uwumbɔr nyi ke ni ye mbamɔn la.

1 Timoti 3:2

Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

1 Timoti 4:12

Taa cha bi lik si fam ke aa ye unachipɔɔn la. Li len iliinyaan, ki li bi mbamɔm, ki li gee binib, ki li tun Uwumbɔr aatuln mbamɔm, ki li bi chain, aan ki li ye limɔkl ki mɔk binib bi gaa Yesu ki kii na baah ga li dii mbamɔm pu na.

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Timoti 2:22

Chuu aabaa ki taa dii tiwan ni kaa ŋan na aakpeek ke binachipɔm aah dii pu na. Tun lituln li ŋan na, ki tii Tidindaan naadii mbamɔm, ki li kpa ngeehm, ni nsuudoon. Kpaan binib bi mu bi kina ki joo bisui mɔmɔk mee Tidindaan na chee.

2 Timoti 3:3

kaan li gee baamaal aanib, kaan di cha pinn binib. Bi ga li ye binibiinib. Baan ŋmaa chuu bibaa. Bi ga li kpa mbiin, ki ga li nan nsanyaan.

Taitus 2:7

Sin aabaa mu li ŋani tiwan mɔmɔk chob, aan ki li ye limɔkl ki tii biken. Tuk binib Uwumbɔr aabɔr mbamɔm, ki li kpa laasaab.

1 Jɔnn 3:14

Taah gee tinaabitiib na, nima le cha ti bee ke ti nyan nkun ni, ki kpa limɔfal li kaa kpa ndoon na. Unii umɔk kaa gee una aabo na, u beenin bi nkun ni la.

1 Jɔnn 5:1

Unii umɔk pak ke Yesu ye Kristo u gaa timi lii na, udaan ngbaan ye Uwumbɔr aabo la. Unii umɔk gee ubo aate na, u ga li gee waabo mu.

1 Samuel 18:1

Sɔɔl ni David aah nan gbaa baabɔr doo na, nee aapuwɔb le Sɔɔl aajapɔɔn Jonatann aasui koo David ni sakpen, le u gee u ke waah gee ubaa pu na.