Taitus 1:16 - Uwumbɔr aagbaŋ

¹⁶ Bi len ke bi nyi Uwumbɔr, le baah tun pu na mɔk ke baa nyi u. Uwumbɔr aa gee baah ŋani pu na. Baa kii waamɔb, kaa ŋmaa tun litunyaan libaa.

UWONBƆR A GBƆNPƆŊ LIKƆƆNL

¹⁶ Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Taitus 1:16 ပူးပေါင်းရင်းမြစ်များ

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Ŋiyataŋak 30:12

Binib bibaa bi, ki dak ke baabimbin ŋan la, le ki tee kpa tijɔŋ sakpen.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Nkahm 24:16

ki ŋun Uwumbɔr aah len pu na aabɔr. Uwumbɔr u kaa kpa ŋeen aatɔ na le tii mi nnyim mu nyan ni u chee na. Maah dɔ ke maah geen na, le m likr ki kan Uwumbɔr Mpɔɔnsakpiindaan kpiir tibɔr tee mɔk mi.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Efesusi 5:6

Titunwanbir timina aaboln pu, le Uwumbɔr gee liŋuul binib bi kaa kii waamɔb na pu. Ni taa cha unii ubaa ŋmann nimi ki tuk nimi ke naa bir.

1 Timoti 1:9

Ti yaa nyi ke nkaal aa bi bininyaam pu kan, nkaal ngbaan ŋan la. Mu bi tiniwanbir le pu, ni binib bi kaa gee bi ŋun tibɔr na, ni binib bi kaa dii Uwumbɔr aasan na, ni titunwanbirdam, ni binib bi yii Uwumbɔr kaa pak u na, ni binib bi ku bitetiib ni binatiib na, ni binib bi ku biken na,

1 Timoti 5:8

Unii u kaa ter udo yaab, kaa ter uma ubaa aachiln ni aanib ki jer biken na, u yii Yesu aasan le na, ki ye kiniwanbiik ki jer binib bi kaa gaa Yesu ki kii na.

2 Timoti 3:17

Unii u tun Uwumbɔr aatuln na yaa kii iliin ngbaan kan, u ga li bi mbamɔm, ki gor ke u tun litunyaan mɔmɔk.

Taitus 3:1

Teer bi ke bi li pak kitiŋ aayidam, ni binib bi kpa tininkpir na, ki kii baamɔi, ki gor ke bi tun litunyaan mɔmɔk,

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

1 Jɔnn 2:4

Unii yaa len ke u nyi Uwumbɔr, ki yaa kaa kii waamɔb kan, u ye unyamɔndaan la; mbamɔn aa bi usui ni.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.