Solomonn Aalahn 8:11 - Uwumbɔr aagbaŋ

¹¹ Libuul li ni bi yin li ke Baal Hamonn na, le Solomonn kpa ŋisubil aasaak. Bikpaab bi, le ki gaa ki, ki pa u ki pu; ukpaal mɔk pa u tikunabr aamombil lichur la.

Solomonn Aalahn 8:11 ပူးပေါင်းရင်းမြစ်များ

Mpiin 20:16

U nan bui Sara mu ke, “M ban m tii aaninja ŋimombil lichur aan ni mɔk ke aa kpa mbamɔn, le binib mɔmɔk ga bee ke saa tun bakaa ubaa.”

Ulandaan 2:4

M nan ŋa tiwankpaan pam. M nan maa ŋidichal ki ŋum ndaan aasubil aasui.

Solomonn Aalahn 1:6

Taa lik seeni mi maabɔmbɔn pu man, nwiin le seer mi, le m bɔnn kina. Nninjatiib le nan gee m pu liŋuul ki cha m tun lituln ŋisubil aasaak ni. Maa nan kpa n‑yoonn ke m di toor mbaa.

Solomonn Aalahn 2:3

Mbɔɔn unyaan bi bijab biken ni ke linyɔkl aasub aah bi pu kichook aasui ni na la. M gee ke m li kaa bu aaboon ni, le bu aasubil mɔ m chee pam.

Solomonn Aalahn 7:12

Ti ga fii lichakpitaawoln le ki lik ŋisubil aasui ke i piin bukpenn pu aan yaa kee piin, ki lik ke nsupuun mu ŋeen na bi poor aan mu aa kee bi poor, ki lik ke ŋisubil ŋiken aasui na mu faa mpuun aan yaa kee faa. Nima chee le m ga ti di maageehm tii si.

Solomonn Aalahn 8:12

Solomonn gaal waamombil lichur ni mpopiin la, le bikpaab ngbaan mu gaal baapar ikui ilelee; m kpa mbaa aasubil aasaak.

Aisaya 7:23

“N‑yoonn ngbaan yaa nan fuu ni kan, ŋisubil aasui aasar ti kpa isui lichur aan bi ga ŋmaa kooh ti tikur aamombil lichur na mɔmɔk ga kpaln ikokon aasui aasar la.

Tibɔnyaan ti Mak ŋmee ti na 12:1

Le Yesu ki ŋakl bi ŋiyataŋak ke, “Uja ubaa le nan naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni aan ki muen nyan ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.