Solomonn Aalahn 7:4 - Uwumbɔr aagbaŋ

⁴ Aasil bi ke jaatɔlk u ye iluub aanyin ŋmeen na la. Aanimbil naahn Hesbonn aatiŋ ponn ni aabɔr aanyun mu dɔ kitisakpeŋ ngbaan aagoln aabisamɔb chee na la. Aamɔfal ŋan ke Lebanonn aakikiib aadifɔfɔŋ ki si Damaskus aatiŋ ni na la.

Solomonn Aalahn 7:4 ပူးပေါင်းရင်းမြစ်များ

Mpiin 15:2

Tɔ, Abram nan bui ke, “Ndindaan Uwumbɔr, aa ga tee tii mi ba aapiin? Aa mu kan ke maa kpa ubo. Elieser u ye Damaskus aanii na le ye maafaajir.

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

1 Bibɔrb 10:18

U nan ki cha bi ŋa libɔrjal sakpeln libaa mu. Bi nan di iluub aanyin aawar le nak li lipepel libaa, le ki di salmaa bamɔnn boon lipepel li gur na.

1 Bibɔrb 10:22

U nan ŋa nnyusakpem aaŋɔi, le i ni Ubɔr Hiram aaŋɔi nan chuun. Libitatar mɔk ni kan, i nan joo ni u salmaa, ni tikunabr, ni iluub aanyin, ni ŋikpal, ni ilatan la.

1 Bibɔrb 22:39

Ubɔr Ahab aah nan ki tun ŋitun ŋi mɔmɔk na, ni waabɔrdichal li bi nan di iluub aanyin nyaan li na, ni ntim mumɔk u nan maa na, bi Israel Aabɔrb Aatun Aagbaŋ ni la.

1 Bibɔrb 7:2

Kinaakook ki bi nan yin ki ke Lebanonn Aachook na aafɔfɔk nan ye ŋitaa nkub ni piiŋmu la, le nwawaan ye ŋitaa imonko itaa ni kipiik ni ŋiŋmu, le kaah paa paacham pu na ye ŋitaa imonko ilee ni ŋiŋmu. Ki nan kpa santina aajaatɔlk ŋiker ŋitaa pu la. Liker libaa mɔk nan ye jaatɔlk tiib kipiik ni biŋmu la, le santina aadɔpuinkee paa bi pu. Bi nan di santina aapiln le ŋeeb paab, ki ti kpaan naa tiwan aah sii tidir ti ponn ni na, le jaatɔlk tiib tek ti.

1 Bibɔrb 9:19

ni ntim mu ponn ni waawanbankaan nan si si na, ni ntim mu waataan, ni yaatɔroku tiib nan bi na, ni waah nan ban ke u maa tiwan ni mɔmɔk Jerusalem aatiŋ ni, ni Lebanonn aatiŋ ni, ni waanaan ni, nimɔk u gee na.

2 Bibɔrb Aabɔr 8:6

ki kpee Baalaf aatiŋ, ni ntim mumɔk ponn ni bi nan joo tiwanbankaan siini na, ni ntim mu ponn ni waataan ni yaatɔroku tiib bi na. U nan maa Jerusalem ni Lebanonn ponn ni ntamaam mu u nan ŋa nlandak ke u maa na, u nan ŋa kina lipepel limɔk nan ye uyaan na ponn ni.

Ilahn 144:12

Cha tijapɔtiib li bi ke isui i muuni ki pɔɔ na baanachipɔnn ni. Cha tibisatiib li bi ke ŋigonyaan ŋi tii libɔrchiln kinyaan na.

Ilahn 45:8

Tulalee tiib bi bi yin bi ke mir ni alos na le gbii saakeken pu; le bilahngaab ni biwangbaab bi ŋibɔrchin ŋi bi di iluub aanyin di toor ŋi na ponn ni ki pak si.

Solomonn Aalahn 1:10

Tafajɔnjɔn ti bi aatafal pu na cha aa ŋan sakpen, Nleenyaan mu bi aasil pu tii si kinyaan pam.

Solomonn Aalahn 4:1

Mbɔɔn, saanyaan ti nyaŋ sakpen a. Aa di kiyibubuuk biin aanimbil wɔb, le saabɔngeehm beenin kpii ni. Saayikpir gbeeni ke iŋoob le aah san sunn ni Gilead aagongon na.

Solomonn Aalahn 4:4

Aasil joon ki bi mɔlb ke David aakikiib aadifɔfɔŋ na la, le nneeleen mu bi ke kijaak aapen lichur na gbin mu pu.

Solomonn Aalahn 4:5

Saabii naahn ipeeyun la, ki bi ke ipeeman jaan le aah si nsupuun ponn ni ki ŋmɔ timoor na.

Solomonn Aalahn 6:5

Fenn aanimbil m chee; ŋi chuu mi siin libuul libaa ni la. Aayikpir gbeeni ke iŋoob le aah san sunni Gilead aagongon na.

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Hiibru Yaab 5:14

Tijikaar bamɔnn le ye binib bi chikr na yaan. Bi bae Uwumbɔr aabɔr ki dii taah mɔk bi pu na. Nima le bi kpa nlan ki nyi nsan mu ŋan na, ni mu kaa ŋan na.