Solomonn Aalahn 7:13 - Uwumbɔr aagbaŋ

¹³ Aa ga ŋun ŋisubil aasufar aanunun pu, ni ŋisubil ŋi mɔmɔk nu mɔ na timi aabisamɔb chee. Mbɔɔn, m di tiwanyaan kpok ni nipɔnn mɔmɔk siin kiir si la.

Solomonn Aalahn 7:13 ပူးပေါင်းရင်းမြစ်များ

Mpiin 30:14

Lidicheel yoonn nan fuu, le Rubenn buen tisar ponn ni ki ti ban ni ŋisubil ŋibaa, bi yin ŋi ke ngeehm aasubil, le ki joo ni ŋi nan tii una Lea. Le Rachel bui Lea ke, “Tii mi aajapɔɔn aasubil ngbaan ŋibaa.”

Solomonn Aalahn 2:3

Mbɔɔn unyaan bi bijab biken ni ke linyɔkl aasub aah bi pu kichook aasui ni na la. M gee ke m li kaa bu aaboon ni, le bu aasubil mɔ m chee pam.

Solomonn Aalahn 4:13

Nima chee le isui muuni. I muuni ke ŋisubil aasui aasaak na la, le ki lu ŋisubil ŋi ŋan sakpen na. Tulalee tiib bi bi yin bi ke hena, ni naad,

Solomonn Aalahn 4:16

Ŋŋangan wɔb aabuln, finn ngeen pu. Ŋŋangii wɔb aabuln, daa maasaak pu. Cha nnun mu mɔ na gaa ni mɔmɔk. Cha mbɔɔn dan waasaak ni ki nan moo kaasubil ŋi mɔ na.

Solomonn Aalahn 6:11

M sunn koo ni nkpan aasui ponn ni ke m nan kan tisubir ti bi kifataŋ ni na, ni ndaan aasubil aasui aafar aah bi kpenni pu na, ni ŋisubil ŋiken aasui aasupuun.

Solomonn Aalahn 8:1

Aa yaa ba ye nninja kan, ki yaa ba ŋaa nna aabiil kan, m ba gee kina. Le m yaa ba ton si nsan ni kitiŋ ponn ni kan, m ba ga moor aatakpiln aan ubaa aa ba ga len tibaa.

Aisaya 23:18

Bi ga di ŋimombil ŋi bi kani kitiirk ni na di tii Uwumbɔr. Baan ki di ŋi bil; le binib bi dooni Uwumbɔr na ga gaa baamombil ngbaan ki di daa tijikaar ni tiwanpeenkaan ni bi ban na.

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Jɔnn 15:8

Ni yaa ŋani tinyoor sakpen tii Nte Uwumbɔr kan, nima le ga nyuŋ u, ki ga mɔk ke ni sil ye maadidiliib.

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

Efesusi 5:9

Binib bi bi nwiihn ni na, bi kpa mbimbinyaan, ki tun lituln li ŋan na mɔmɔk, ki dii Uwumbɔr aabɔr ti ye mbamɔn na la.

Filipi 1:11

M ban ke ni li kpa mbimbinyaan ki li tun lituln li ŋan na n‑yoonn mɔmɔk, Yesu Kristo aapɔɔn pu, aan binib nyuŋ Uwumbɔr ki pak u.

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

1 Piita 4:11

Uwumbɔr yaa tii unii ipiin ke u len Uwumbɔr aabɔr kan, u teer ke ni ye Uwumbɔr aabɔr le u len. Uwumbɔr yaa tii unii ipiin ke u ter biken kan, u li ter bi Uwumbɔr aah tii u mpɔɔn pu na. Ni li nyuŋni Uwumbɔr tiwan mɔmɔk ni, Yesu Kristo pu. Uma le yeh mpakm ni mpɔɔn n‑yoonn mu kaa kpa ndoon na. Amii.