Solomonn Aalahn 6:10 - Uwumbɔr aagbaŋ

¹⁰ Ŋma yaar lik mi aan ni bi ke lichakpitaawoln aawiihn na? U ŋan le ki bi chain, ki moor lak lak ke nwiin ni uŋmal na, le waanyaan bi ke bijab bi cha butɔb ni na aatuutaa.

Solomonn Aalahn 6:10 ပူးပေါင်းရင်းမြစ်များ

2 Samuel 23:4

naahn kichakpinaanyeek ki daal aa kpa ntaalangbam na aawiin la, ki naahn nwiin mu cha timoor moor buyoonn utaal nun ki fir na la.”

Job Aagbaŋ 11:17

Le saamɔfal ga li wiin jer nwinkapiin pu aawiin, le limɔfal ni aayoonn mu bɔɔn sakpen na ga woln ke lichakpitaawoln na.

Job Aagbaŋ 31:26

Nwiin ni mu aawiin mɔmɔk pu, maa kee doon mu daalbaadaal, kaa doon uŋmal ni waanyaan mɔmɔk pu.

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Solomonn Aalahn 1:15

Mbɔɔn, aa ŋan sakpen a; le aanimbil ponn ni kpa ngeehm.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 6:4

Mbɔɔn, aa ŋan ke Jerusalem aatiŋ na, ki ŋan ke Tirsa aatiŋ na, le saanyaan bi ke bijab bi cha butɔb ni na aatuutaa.

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Hosea 6:5

Kina pu le m di maah ga daa nitafal ki kuln nimi pu na tun ni maabɔnabr. Maah ban pu ni chee na aa duk kpala:

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Matiu 13:43

N‑yoonn ngbaan le bininyaam ga li bi Bite Uwumbɔr aanaan ni, ki wiin ke nwiin aah wiin pu na. U kpa litafal na kan, u ŋun.”

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Rom Yaab 8:37

Tɔ, Yesu Kristo u gee timi na aapɔɔn pu, le ti kan linyaŋ kookoo.

Efesusi 5:27

ke u di bi tii uma ubaa, bi li bi u chee, ki li ŋan sakpen, ki li bi chain, ki taa li kpa tijɔŋ tibaa, ki taa li kpa taani ubaa.

Tibɔkpiirkaan 1:16

Le u joo iŋmabi ilole uŋangii ni. Kijaak aajuk ki ka ŋipepel mɔmɔk ŋilee na mu bi umɔb ni. Unimbil wɔb wiin chain, ke nwiin aah wiin chain pu nwiin pu na.

Tibɔkpiirkaan 10:1

Le m kan Uwumbɔr aatuun mpɔɔndaan uken nyan ni paacham. U pee kitaalangbaŋ, le waakpimanja mu lur goln uyil. Unimbil wɔb naahn nwiin la. Utaa mu naahn kimiigaak.

Tibɔkpiirkaan 12:1

Tɔ, le m kan lijinjiir aawan paacham. Upii ubaa nan bi ki pee nwiin. Le uŋmal mu nan bi utaa aataab. Iŋmabi kipiik ni ilee mu nan bi uyil pu. U nan kpa lipuul,

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.