Solomonn Aalahn 5:6 - Uwumbɔr aagbaŋ

⁶ M nan chuu piir jaaleŋ ke mbɔɔn koo ni, le ki muin u puun siir a. M nan neen ke m ŋun uneel pu sakpen; m nan ban u, le kaa kan u. M nan yin u, le kaa ŋun u pu.

Solomonn Aalahn 5:6 ပူးပေါင်းရင်းမြစ်များ

Mpiin 42:28

Le u bui biken na ke, “Maamombil le bi ki giin di ŋa bɔtɔ ponn ni na, ŋima sɔ.” Le bipobil yuk, le bi baa tɔb ke, “Ba ŋa Uwumbɔr ŋa timi kina?”

2 Samuel 16:10

Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

Ilahn 28:1

Uwumbɔr, maakikiir, m yin si la; ŋun maawiil pu. Aa yaa kaa gar mi kan, m ga dii binib bi sunni cha bitekpiido na.

Ilahn 30:7

Uwumbɔr, aa nan kpa m pu tiŋann; aa nan kii mi ke lijool pu aatiŋ ki kpa mpɔɔn na la. Tɔ, le aa nan ki di aabaa bɔr mi, le ijawaan chuu mi.

Ilahn 69:3

Maah yin si pu ki ban nterm na le nneel ti waab, le nneen ni gur wu. Maah lik pu ki ban saaterm na, le nnimbil aa ti ki waa.

Ilahn 77:3

M yaa ka ki dak Uwumbɔr aabɔr kan, le m faa liŋuun; m yaa ka dak suuna kan, le nwon yɔl ti lir.

Ilahn 80:4

Tidindaan Uwumbɔr, Mpɔɔnsakpiindaan, ni ga yunn kinye aan saaŋuul ti sɔŋ saanib aameel pu?

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Solomonn Aalahn 5:2

Maah nan dɔ geen na, nsui ma nan waa la. M nan daŋ tidaŋ ke mbɔɔn dan nan kpaar maajaaleŋ pu. Mbɔɔn, maabɔngeehn, ni maananjel, cha m koo ni. Limaln le sɔŋ n‑yil, le likpakpal mu sɔŋ n‑yikpir.

Solomonn Aalahn 5:4

Mbɔɔn nan di uŋaal meeh jaaleŋ, le ni ŋa mi ke waah duun ni mi le na.

Solomonn Aalahn 6:1

Upii u ŋan jer bipiib mɔmɔk na, aabɔɔn buen la chee? Mɔk timi aabɔɔn aah buen nin chee na, aan ti ter si, aan aa ban kan u.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Aisaya 8:17

Uwumbɔr di ubaa bɔr waanib chee, le mma kii tii u, ki kpa limakl u pu.

Inandalahn 3:8

M wii mpɔɔn pu ki ban nterm, le Uwumbɔr yii, kaan pel m chee.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Matiu 26:75

Le Piita teer Yesu aah ba tuk u pu na ke, “Aa ga len nfum mutaa ke saa nyi mi, le ukooja nin wii.” Piita nan nyan lipaal, ki ti wii sakpen.

Tibɔnyaan ti Mak ŋmee ti na 14:72

Libuul ngbaan ni, le lelee aakooja wii. Le Piita teer ke Yesu ba bui u ke, “Aa ga len nfum mutaa ke saa nyi mi le lelee aakooja nin wii.” Piita aah teer kina na, le u wii pam.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.