Solomonn Aalahn 5:2 - Uwumbɔr aagbaŋ

² Maah nan dɔ geen na, nsui ma nan waa la. M nan daŋ tidaŋ ke mbɔɔn dan nan kpaar maajaaleŋ pu. Mbɔɔn, maabɔngeehn, ni maananjel, cha m koo ni. Limaln le sɔŋ n‑yil, le likpakpal mu sɔŋ n‑yikpir.

Solomonn Aalahn 5:2 ပူးပေါင်းရင်းမြစ်များ

Mpiin 29:20

Le Jakob nan tun ki ti saa ŋibin ŋilole ngbaan ke u gaa Rachel, le waah nan gee Rachel sakpen pu na, ŋibin ŋilole ngbaan aa nan yunn u chee.

Ilahn 119:1

Binib bi aabimbin ŋan aan bi dii Uwumbɔr aakaal na kpa mpopiin.

Ilahn 81:10

Min le ye Nidindaan Uwumbɔr u nyan ni nimi Ijipt aatiŋ ni na. Waar nimɔi man, aan m kpiin nimi.

Ŋiyataŋak 23:26

Maabo, pel mbamɔm ki cha maabimbin li ye limɔkl ki tii si.

Solomonn Aalahn 1:16

Mbɔɔn unyaan, saanyaan nyaŋ a; le aa tii mi mpopiin. Timosɔnn le ga li ye timi aawandookaan,

Solomonn Aalahn 2:10

Mbɔɔn len m chee tibɔr. Mbɔɔn, kina kan, dan; mbɔɔn unyaan, cha ti li cha.

Solomonn Aalahn 2:14

Aa naahn linanjel li bɔrni litakpal aaloŋ ni na la. Cha m lik aanimbil wɔb, aanimbil wɔb ŋan sakpen. Cha m pel saaneel pu, saaneel mɔ sakpen.

Solomonn Aalahn 2:8

M ŋun mbɔɔn aaneel pu. U nyan ni ŋijoo paab le ki san ni, u san nyan ni ŋigongon ni le ki choo m chee.

Solomonn Aalahn 3:1

Maah doo geeni maawandookaan pu kinyeek mɔmɔk na, m daŋni maah gee u na pu la; m nan bi ban u, le kaa ŋmaa kan u.

Solomonn Aalahn 4:7

Mbɔɔn, saanyaan ti nyaŋ sakpen a; saa kpa ŋeen aatɔ.

Solomonn Aalahn 4:9

Maabɔngeehn ni maabɔndinn, nlaasaab bi aanimbil, ni nneeleen mu aa gbin na ni la.

Solomonn Aalahn 5:11

Unimbil wɔb joon kpal kpal, le ki man chaun ke tikumann na; uyikpir ŋan, le ki bɔn chin chin ke likakaal na.

Solomonn Aalahn 5:6

M nan chuu piir jaaleŋ ke mbɔɔn koo ni, le ki muin u puun siir a. M nan neen ke m ŋun uneel pu sakpen; m nan ban u, le kaa kan u. M nan yin u, le kaa ŋun u pu.

Solomonn Aalahn 6:9

le mma gee ubaa, le u ŋan ke linanjel na. Uma baanja le ye una aapiibo, uma le ye una aabogeehn. Bipiib mɔmɔk lik u la, le ki pak u; bibɔrpiib ni bibɔtiib gaa ilahn pak u la.

Solomonn Aalahn 7:9

le aamɔb ni mɔ ke ndamɔɔn na. Kina kan, cha ndaan ngbaan pii mbɔɔn, ki li puu umɔgban ni unyin pu.

Solomonn Aalahn 8:7

Nnyun aan ŋmaa junn mu, nwam mubaa aaboln aan ŋmaa biin mu pu. Tɔ, unii yaa pɔɔni ubaa ke u di liwangol daa mbɔngeehm kan, yaansara baanja le u ga kan.

Aisaya 50:6

M di mpuwɔb tii binib bi gbaa mi na. Maa nan bui binib bi seei mi ki dar gui maalangbaln aakor ki teei timɔɔtan lɔi mi na ke bi di cha.

Aisaya 52:14

Lijinjiir nan chuu binib bi nan kan u na; u nan char char, kaa ti ki naahn unibɔn.

Daniel 8:18

Waah nan bi len kina na, le nnimbil bɔln, le m lir kitiŋ kaa ki nyi mbaa chee. Le u chuu mi, ki fiin mi siin ntaa pu,

Sekaria 4:1

Ntuun mu nan bi len m chee tibɔr na nan ki dan nan faa fiin mi ke maah dɔ geen le na.

Matiu 7:8

Unii umɔk mee Uwumbɔr na, u ga tii u. Unii umɔk ban na, u ga kan. Unii umɔk kpaar jaaleŋ na, u ga piir tii u.

Matiu 8:17

U ŋa kina ke ni gbiin Uwumbɔr aabɔnabr Aisaya aah nan len pu na ke, “Uma ubaa le nyan ni iween, ni tibunbunn timi aawon ni.”

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Tibɔnyaan ti Luk ŋmee ti na 22:44

Le Yesu aasui ponn ni wu ki ti nyaŋ. Le u ki mee Uwumbɔr linimaln. Le kitotoŋ naa u, ki ye nsin ki tuu lir kitiŋ.

Tibɔnyaan ti Luk ŋmee ti na 6:12

N‑yoonn ngbaan le Yesu jon lijool paab, u ti mee Uwumbɔr, le ki mee u kinyeek ngbaan ki ti woln kitaak.

Tibɔnyaan ti Luk ŋmee ti na 9:32

Le ngeen joo Piita mam. Baah finn na, le bi kan Yesu aah wiin chain pu na, ki kan bijab bilee bi si u chee na.

Jɔnn 10:4

U yaa nyan waapiih mɔmɔk kan, le u loln nsan, le i paa u pu; ba pu? i nyi waaneel.

Galantiya 2:20

M nan kpo Kristo chee ndɔpuinkoo pu, le m mu beenin fu; naa ki ye min Pɔɔl le fu. Kristo le fu m ni. Uma Uwumbɔr Aajapɔɔn u gee mi ki nan kpo m pu na, uma le m gaa u ki kii, nima pu le m bi.

Efesusi 5:14

Nima pu le ti gaa ilahn ke, “Si u dɔ geen na, finn aan ki fikr nkun ni, le Kristo ga li wiin aa pu.”

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.

Tibɔkpiirkaan 3:20

Li pel man, m si mbisamɔb chee ki kpaar jaaleŋ. Unii umɔk ŋun maaneel ki piir tii mi na, m ga koo ni u chee, ki nan ji u chee tijikaar, u mu ga ji m chee.

Tibɔkpiirkaan 3:4

Tɔ, ni ponn ni bibaa bi Sadis aatiŋ ponn ni, kaa tun titunwanbir. Bima le ga chuun m chee paacham, ki pee ŋibɔkupiin; ba pu? bi ŋeer kina.