Solomonn Aalahn 4:14 - Uwumbɔr aagbaŋ

¹⁴ ni safaronn, ni kalamus, ni sinamonn, ni tulalee mɔmɔk aabɔŋ na aasui bi nima chee. Tulalee tiib bi bi yin bi ke mir ni alos na aasufar mu bi nima ki kpa nnunun mu mɔ sakpen na.

Solomonn Aalahn 4:14 ပူးပေါင်းရင်းမြစ်များ

Mpiin 43:11

Le bite bui bi ke, “Ni yaa ye kina kan, li joo ipiin i nyan ni timi aatiŋ kee ponn ni ki ŋan sakpen na, ki ti tii uninkpel ngbaan: ni ban tulalee u nu mɔ na, ni tisiir, ni tikpin, ni ŋisubil ŋi mɔ na.

1 Bibɔrb 10:10

U nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ tiib nkub na, ni tulalee ni ŋitakpanyaan ŋi wiir sakpen na. Waah nan tii u tulalee u na nan jer waah kani tulalee aapiin i binib chee na.

2 Bibɔrb Aabɔr 9:9

Seba aapiibɔr ngbaan nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ mam nkub na, ni tulalee tiib bi saan ŋmaa kahn na, ni ŋitakpanyaan mu kina. Waah nan joo tulalee tiib bi nan tii Solomonn na aaŋeen aatɔ aa ki bi.

Ilahn 45:8

Tulalee tiib bi bi yin bi ke mir ni alos na le gbii saakeken pu; le bilahngaab ni biwangbaab bi ŋibɔrchin ŋi bi di iluub aanyin di toor ŋi na ponn ni ki pak si.

Nnyam 30:23

“Di mbaabil ŋi nu mɔ na, ni li ye mir aanyun kuruwaa biloob, ni tiwan ni nu mɔ aan bi yin ni ke sinamonn na kuruwaa bitaa, ni ŋibun aayon kuruwaa bitaa,

Ŋiyataŋak 7:17

M di tulalee tiib bi bi yin bi ke mir, ni alos, ni sinamonn na le di yɔk yɔk u pu.

Solomonn Aalahn 1:12

Maabɔr nan dɔ waayikukul aajal pu, le maatulalee aanunun gaa ni mɔmɔk.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 4:6

M ga li bi mir aatulalee aagongoln pu la, le lichakpitaawoln aabuln ti daa ni, le mbɔmbɔɔn mu ti doo.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Solomonn Aalahn 6:2

Mbɔɔn buen waasaak ni la, nin chee tulalee aasui bi na. U bi kpiini waawakor waasaak ni, le ki bar nsupuun.

Nkahm 24:6

Ŋi si chɔl tɔb pu, ki naahn ŋibeebil aasui la, ki ki naahn tikpifar aasaak ki dɔ limɔɔl aagbaan na la, ki bi ke Uwumbɔr aah ŋum isui nyanyaan i na ki ki naahn santina aasui i si gbɔk nnyun na la.

Tibɔnyaan ti Mak ŋmee ti na 16:1

Juu yaab aakpaakool daal aajook, le Mari Magdalene ni Salome, ni Mari u ye Jems aana na, buen ti daa tulalee, bi ti di ŋa Yesu aawon pu.

Jɔnn 19:39

Nikodemus, u nan dan Yesu chee njan kinyeek na, mu nan fuu ni, ki joo ni tulalee. Ni nan ye tulalee u bi yin u ke mir na, ni tulalee u bi yin u ke alos na, aan bi di ŋmal tɔb ni la. Tulalee ngbaan aanyunyuun ga pii bɔtɔmɔn.

Tibɔkpiirkaan 18:13

ni tikpin aawan, ni kinimbɔɔpaŋ, ni tulalee, ni nkpaŋmirkoo, ni tulalee aayon mu bi joo toor kitork na, ni ndaan, ni nkpan, ni boroboro aayon, ni tijikaar, ni inaa, ni ipiih, ni itaan, ni tɔroku tiib, ni binaagbiib, ni binib aamɔfal.