Solomonn Aalahn 4:12 - Uwumbɔr aagbaŋ

¹² Maabɔngeehn ni maabɔndinn ye kisaak ki bɔr na la, u ye kisaak ki bi maa ligoln gob ki na, ki ye unibaan aanyunbun.

Solomonn Aalahn 4:12 ပူးပေါင်းရင်းမြစ်များ

Mpiin 29:3

Bipihkpaab ngbaan mɔmɔk yaa nan ti joo ni baapiih kan, le bi chuu biln litakpal ngbaan le ki lu nnyun tii i, le ki ki giin litakpal na di biin mu pu.

Solomonn Aalahn 4:9

Maabɔngeehn ni maabɔndinn, nlaasaab bi aanimbil, ni nneeleen mu aa gbin na ni la.

Solomonn Aalahn 6:11

M sunn koo ni nkpan aasui ponn ni ke m nan kan tisubir ti bi kifataŋ ni na, ni ndaan aasubil aasui aafar aah bi kpenni pu na, ni ŋisubil ŋiken aasui aasupuun.

Solomonn Aalahn 6:2

Mbɔɔn buen waasaak ni la, nin chee tulalee aasui bi na. U bi kpiini waawakor waasaak ni, le ki bar nsupuun.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

1 Korenti 6:13

Bibaa len ke lipuul pu le tijikaar bi, le tijikaar mu pu, lipuul bi. Tɔ, Uwumbɔr ga cha ni mɔmɔk nilee ŋa yɔli. Timi aawon tee aa bi kidagook aatuln pu, ti bi Tidindaan aatuln pu la. Tiwon mu ye Tidindaan yaan la.

1 Korenti 7:34

le waalandak yakr mfum mulee. Upii u kaa kpa chal na, bee usapɔɔn u kaa nyi uja na, utafal bi Tidindaan aabɔr ni la; u ban ke uwon ni waawiin li bi chain. Upii u kpa chal na, utafal bi dulnyaa wee ni aabɔr ni la, u dakl waah ga ŋa pu ki piir uchal aasui na la.

2 Korenti 1:22

U daan timi ke uma le yeh timi, ki di Waafuur Nyaan ŋa tisui ni, ke u mɔk timi waah ga tii timi pu na n‑yoonn mu choo na.

Efesusi 1:13

Ni mu gaa Kristo ki kii la. Naah ŋun Uwumbɔr aabɔr ti ye mbamɔn, ki ye tibɔnyaan ti cha ni ŋmar na, le ni gaa Kristo ki kii. Naah kpaan u ni na, le Uwumbɔr tii nimi Waafuur Nyaan, ke waah nan puu tipuur ti na, ki mɔk ke ni ye waanib la.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 7:3

“Ni taa bii kitiŋ, bee nnyusakpem, bee isui ki li kii buyoonn ti ga nan daan timi Aawumbɔr aatutum aayigbeer pu na.”