Solomonn Aalahn 3:6 - Uwumbɔr aagbaŋ

⁶ Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 3:6 ပူးပေါင်းရင်းမြစ်များ

Nnyam 30:34

Uwumbɔr nan ki bui Moses ke, “Ban mbaabil ŋi nu mɔ na. Ŋaayimbil sɔ, stakte, ni onika, ni galbanum, ni frankinsense aatulalee, ki cha ni mɔmɔk li ŋak tɔb.

Ŋiyataŋak 7:17

M di tulalee tiib bi bi yin bi ke mir, ni alos, ni sinamonn na le di yɔk yɔk u pu.

Solomonn Aalahn 1:13

Mbɔɔn yaa dɔ paa m pu kan, waabaam nu mɔ ke mir aatulalee na la.

Solomonn Aalahn 1:3

Saabaan nu mɔ sakpen a; le bi yaa yin saayimbil kan, mbaan ngbaan nyani. Upii mɔk gee si la.

Solomonn Aalahn 3:7

Solomonn, le bi tu u waabɔrjal pu choo; Israel aajab bi nyi butɔb aabɔr mbamɔm ki ye bijab bi kii u na ponn ni imonko itaa le dii u.

Solomonn Aalahn 4:6

M ga li bi mir aatulalee aagongoln pu la, le lichakpitaawoln aabuln ti daa ni, le mbɔmbɔɔn mu ti doo.

Solomonn Aalahn 5:13

Utakpin ŋan ke kisaak ki ponn ni kpa tulalee aasufabir mɔmɔk aabɔŋ na la. Umɔgban bi ke nsupuun na la, le mir aatulalee sɔŋ ŋi.

Solomonn Aalahn 5:5

M nan gor ke m cha u koo ni. Tulalee u bi yin u ke mir na le nan gaa ŋŋaal ni mɔmɔk, mir aatulalee nan tuu ŋŋanbim pu ki lir kitiŋ, le m ti bub chuu jaaleŋ.

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 31:2

Nteersakpiin ni, m nan san binib bi nan ŋmar kaa kpo na kinimbaak. Israel aanib aah nan ban lifuur na,

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.

Tibɔkpiirkaan 12:6

Le upii ngbaan san buen nteersakpiin ni, Uwumbɔr aah toor mpaan nin chee tii u na, ki ti kpiini u nima chee iwiin lichur ni ikui ilee ni imonko itaa.

Tibɔkpiirkaan 18:13

ni tikpin aawan, ni kinimbɔɔpaŋ, ni tulalee, ni nkpaŋmirkoo, ni tulalee aayon mu bi joo toor kitork na, ni ndaan, ni nkpan, ni boroboro aayon, ni tijikaar, ni inaa, ni ipiih, ni itaan, ni tɔroku tiib, ni binaagbiib, ni binib aamɔfal.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.