Solomonn Aalahn 3:4 - Uwumbɔr aagbaŋ

⁴ Le maah kpaan siir bi chee na, le m kan u. M nan bub chuu u, kaan ki di u lii, le u ti nin fuu nna aadiik ni, kidiik ki ponn ni bi nan ma mi na.

Solomonn Aalahn 3:4 ပူးပေါင်းရင်းမြစ်များ

Mpiin 32:26

Le ntuun ngbaan bui u ke, “Ni ban ni woln la, di mi lii, aan m li cha.” Le Jakob bui u ke, “Maan cha aa buen, see aa ŋa tinyoor ŋa m pu.”

Ŋiyataŋak 4:13

Li teer saah bae tiwan ni na n‑yoonn mɔmɔk. Saabaen le ye saamɔfal, li kii mu mbamɔm.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Solomonn Aalahn 1:7

Mbɔɔn, tuk mi saah ga di saawakor buen nin chee aan ti ti ŋmɔ timoor na. La chee aan saawakor ga nan baŋ nwiin pu? Naa ŋan ke m nan li bi ban si bipihdam biken ponn ni.

Solomonn Aalahn 6:12

Nwon gbaa la, aa cha nwon finni aa pu ke tɔroku aatandaan aawon aah finni butɔb pu pu na.

Solomonn Aalahn 7:5

Le aayil mu si chab ke Kamel Aajool na. Saah buu aayikpir ti na moor lak lak ke ŋitakpanyaan ŋi joon bɔl bɔl na; taanyaan ga ŋmaa baa ubɔr siin libubaan ni.

Solomonn Aalahn 8:2

M ba ga di si buen nna aadiik ni le aa ti mɔk mi mbɔngeehm. M ba ga tii si ndaan mu nu mɔ na, m ba ga tii si ŋisubil aadaan aan aa nyu.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Jeremia 29:13

Ni ga ban mi, le ki ga kan mi, ba pu? ni ga di nisui mɔmɔk le ban mi.

Inandalahn 3:25

Uwumbɔr kpa tiŋann unii umɔk kii tii u na pu.

Matiu 28:9

Baah cha na, le Yesu ton bi nsan ni, le ki doon bi. Le bi gbaan unimbiin ni, ki joo u, le ki dooni u.

Matiu 7:7

“Ni li mee Uwumbɔr man, le u ga tii nimi. Ni li ban Uwumbɔr chee man, le ni ga kan. Ni li kpaar jaaleŋ man, le u ga piir tii nimi.

Rom Yaab 8:35

Ba ga ŋmaa nyan timi Kristo u gee timi na aaŋaal ni? Falaa aa? Tibɔr aa? Limukl aa? Nkon aa? Igiin aa? Linimaln aa? Nkun aa? Aayii.

Galantiya 4:26

Le Jerusalem aatiŋ ki bi paacham na aanib ye mmaal aabim. Timi le ye waabim.