Solomonn Aalahn 3:11 - Uwumbɔr aagbaŋ

¹¹ Sionn aapiib, dan nan lik man ubɔr Solomonn. U chik kibɔryikpupuk ki una nan di chiŋ uyil pu waabɔndinn daal, nwiin mu nan ye waapopiin ni mmɔɔn daal na la.

Solomonn Aalahn 3:11 ပူးပေါင်းရင်းမြစ်များ

Ilahn 48:11

Cha Sionn aanib li kpa mpopiin. Aa ji tibɔr ni ibamɔn la; cha mpopiin li bi Juda aatim pu.

Ilahn 9:14

aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Solomonn Aalahn 1:5

Jerusalem aapiib, m bɔn le ki ŋan, m bɔn ke Kedar aateersakpiin ni aakeken aaboo na la, le ki tee ŋan jer Solomonn aabɔrchiln ni aakeken ŋi lee tidir aabisamɔi na.

Solomonn Aalahn 2:7

Jerusalem aapiib, puu tii mi man, puu upeeman ni upeeyun i bi timoor ni na pu ke naan bɔ timi aabɔtiik aabɔr ni.

Solomonn Aalahn 7:11

Mbɔɔn, dan aan ti buen timoor ni, ki ti li doo ntimbim ni.

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Sekaria 6:11

Di tikunabr ni salmaa u bi tii na ŋa kibɔryikpupuk, ki ti di chiŋ Jehosadak aajapɔɔn Josua, u ye Utotoorninkpel na.

Matiu 12:42

Seba aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke nimi aabɔr bii.”

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Jɔnn 3:29

Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

Kolosiya 1:18

Uma le ye waanib Aayidaan. Le waanib mu ye waawon, le u tii bi limɔfal. Uma le puen fikr nkun ni, ki ye tiwan mɔmɔk Aayidaan;

Hiibru Yaab 13:13

Nima pu na, ti li cha u chee n‑gbaan nima, ki dii waasan, ki yakr u chee waanimɔɔn.

Hiibru Yaab 2:9

ti kan Yesu la. Uwumbɔr nan sunn u taab ki cha waatuuntiib jer u, ni yunn siib, aan u ti kpo binib mɔmɔk pu, uma Uwumbɔr aanimbaasaln pu. Dandana wee ti kan ke waah jin nkun aafalaa na, Uwumbɔr di kipak ni liyimbil le di tii u.

Tibɔkpiirkaan 1:7

Lik, u ga dii ntaalangbam ni ki dan. Binib mɔmɔk aanimbil ga kan u. Binib bi nan saa u na mu ga kan u. U pu, le ŋinibol ŋimɔk bi dulnyaa wee ni na ga wii. Ni ye mbamɔn la. Amii.

Tibɔkpiirkaan 19:12

Unimbil wɔb wiin ke mmiigaal na. Ubɔr aayikpupur ti wiir na bi uyil pu. Waayimbil ŋmee u pu. Ubaa aa nyi liyimbil ngbaan see uma baanja.

Tibɔkpiirkaan 19:7

Cha ti li mɔɔni ki li kpa mpopiin sakpen ki nyuŋ u; ba pu? ni ŋeer Upihbo ngbaan yoor upuu. Le upuu gor ubaa.