Solomonn Aalahn 3:1 - Uwumbɔr aagbaŋ

¹ Maah doo geeni maawandookaan pu kinyeek mɔmɔk na, m daŋni maah gee u na pu la; m nan bi ban u, le kaa ŋmaa kan u.

Solomonn Aalahn 3:1 ပူးပေါင်းရင်းမြစ်များ

Ilahn 22:2

Maawumbɔr, nwiin pu kan, m wii yin si la, le saa gar mi. M yin si kinyeek mu, le kaa kani lifuur.

Ilahn 4:4

Di cha titunwanbir, ki li jii ijawaan pu. Ni yaa dɔ suuna nimi aawandookaan pu kan, ni dakl lik nimina mbamɔm man.

Ilahn 6:6

Mpombiin cha nwon mɔmɔk kpo a; maah wii kinyeek mɔmɔk pu na cha maawandookaan sɔŋ a, tinyunyunn sɔŋ maayikukur a.

Solomonn Aalahn 1:7

Mbɔɔn, tuk mi saah ga di saawakor buen nin chee aan ti ti ŋmɔ timoor na. La chee aan saawakor ga nan baŋ nwiin pu? Naa ŋan ke m nan li bi ban si bipihdam biken ponn ni.

Solomonn Aalahn 5:6

M nan chuu piir jaaleŋ ke mbɔɔn koo ni, le ki muin u puun siir a. M nan neen ke m ŋun uneel pu sakpen; m nan ban u, le kaa kan u. M nan yin u, le kaa ŋun u pu.

Solomonn Aalahn 5:8

Jerusalem aapiib, puu tii mi man ke ni yaa kan mbɔɔn kan, ni ga bui u ke maah neen pu ke m kan u na yɔl nwon mɔmɔk a.

Aisaya 26:9

Maah gee si pu na, m wii kinyeek ki ban si; aa yaa ji kitiŋ kee ni kaanib tibɔr kan, bi ga bae ibamɔn aah ye pu na.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Tibɔnyaan ti Luk ŋmee ti na 13:24

Le Yesu bui bi, “Cha ninimbil li man ni li dii mbisamɔb mu kaa waa na. M tuk nimi la, buyoonn udichadaan na ga nan fii ki laŋ kidiik na, nee aapuwɔb le binib pam ga li ban bi koo ni, kaan ŋmaa koo ni. Ni ga li si lipaal, ki kpaar jaaleŋ, ki bui ke, ‘Tidindaan, chuu piir tii timi.’ Le u ga bui nimi, ‘Maa nyi nimi. Ni nyan ni la chee?’

Jɔnn 11:29

Mari aah ŋun kina na, le u kpaan fii mala, ki buen u chee;

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.