Solomonn Aalahn 2:17 - Uwumbɔr aagbaŋ

¹⁷ le lichakpitaawoln aabuln ti daa ni, le mbɔmbɔɔn mu doo. Mbɔɔn, gir mala ke upeeyun na, gir ni mala ke Beter aajoo pu aapeemanbil na.

Solomonn Aalahn 2:17 ပူးပေါင်းရင်းမြစ်များ

Ŋiyataŋak 5:19

u kpa kinyaan ki bi suuna ke upeeman na la. Cha waanyaan tii si mpopiin ki cha u di waageehm tii si.

Solomonn Aalahn 2:7

Jerusalem aapiib, puu tii mi man, puu upeeman ni upeeyun i bi timoor ni na pu ke naan bɔ timi aabɔtiik aabɔr ni.

Solomonn Aalahn 4:6

M ga li bi mir aatulalee aagongoln pu la, le lichakpitaawoln aabuln ti daa ni, le mbɔmbɔɔn mu ti doo.

Solomonn Aalahn 8:14

Mbɔɔn, dan m chee ke upeeyun na, li san ni ke lipeemanbil aah bi lijool li pu tulalee tiib aasui bi na, aah san pu na.

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

Rom Yaab 13:12

Naan yunn, kinyeek ga doo. Kitaak aawoln aa ki daa. Nima pu na, cha ti di cha mbɔmbɔɔn ni aatuln, aan ki li kpa mbimbinyaan mu ŋeer nwiihn na.

Hiibru Yaab 10:1

Moses aakaal nan ye nsanyaan mu choo na aamɔkl la, naa nan ye nsanyaan ngbaan mbamɔm. Binib bi dii Moses aakaal na toor titorbaan ŋibin ŋibin, nima le aa ŋmaa ŋa bi binib bi ŋan ti doo na.

Hiibru Yaab 8:5

Bitotoorninkpiib ngbaan aatuln ye paacham aatuln aanaŋ la. Moses yaan mu nan bi kina la. Waah nan ban ke u ŋa libool tii Uwumbɔr na, Uwumbɔr nan bui u ke u li nyi ki ŋa tiwan mɔmɔk ke waah mɔk u laanaŋ, lijool paab pu na.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.