Solomonn Aalahn 1:3 - Uwumbɔr aagbaŋ

³ Saabaan nu mɔ sakpen a; le bi yaa yin saayimbil kan, mbaan ngbaan nyani. Upii mɔk gee si la.

Solomonn Aalahn 1:3 ပူးပေါင်းရင်းမြစ်များ

Ilahn 133:2

Ni bi ke Uwumbɔr aakpan mu puu sunni Aaronn aayil, ni ulangbaln, ki puu ti kɔl waawanpeenkaan aaneen ni na la.

Ilahn 45:14

U pee waabɔkul li ŋmal ŋitanyaan na, le bi di u buen ubɔr chee, le unaakoontiib dii u, le bi mu ti fuu ubɔr ngbaan chee.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 33:19

Le Uwumbɔr ki bui u ke, “M ga cha maajilmaa aawiihn ngbaan jer aanimbiin ni, le m ga yin maayimbil li bi chain na. Min le ye Uwumbɔr, le ki kpa linimbaasaln unii u m lee u na pu.

Ŋiyataŋak 27:9

Tulalee ni nkpamɔɔn cha aasui piir la; le aajɔ yaa sur si kan, ni mɔ jer kina la.

Ulandaan 7:1

Liyimbinyaan ŋan jer tulalee u nu mɔ na, le nwiin mundaal aa ga kpo na mu ŋan jer nwiin mundaal bi ma si na.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 4:10

Maabɔngeehn ni maabɔndinn, saageehm tii mi mpopiin la. Saageehm mɔ jer ŋisubil aadaan mɔmɔk; le saatulalee nu mɔ jer tulalee mɔmɔk.

Solomonn Aalahn 5:13

Utakpin ŋan ke kisaak ki ponn ni kpa tulalee aasufabir mɔmɔk aabɔŋ na la. Umɔgban bi ke nsupuun na la, le mir aatulalee sɔŋ ŋi.

Solomonn Aalahn 5:5

M nan gor ke m cha u koo ni. Tulalee u bi yin u ke mir na le nan gaa ŋŋaal ni mɔmɔk, mir aatulalee nan tuu ŋŋanbim pu ki lir kitiŋ, le m ti bub chuu jaaleŋ.

Solomonn Aalahn 6:8

Ubɔr ga li ŋmaa kpa puutiib imonko itaa, ni bɔtiib imonko inaa, u ga li ŋmaa kpa bipiisapɔm churbakaa,

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Matiu 25:1

“Uwumbɔr aanaan naahn bisapɔm kipiik bi nan joo baakaryaa mam, bi ti tooh upiidinn nsan ponn ni na la.

Jɔnn 12:3

Le Mari yoor tulalee u kpa kidaak sakpen na kpalba ubaa, ki di ŋmir Yesu aataa, ki di uyikpir per utaa. Tulalee ngbaan aah nu mɔ na, waabaam gaa kidiik ni. Bi yin tulalee ngbaan ke naad.

2 Korenti 11:2

M gee nimi sakpen ke Uwumbɔr aah gee nimi pu na. Ni bi ke usapɔɔn u kaa nyi uja na aah bi pu na, le m ban m di nimi tii Kristo, ni li dii uma baanja.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.