Sekaria 9:9 - Uwumbɔr aagbaŋ

⁹ Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Sekaria 9:9 ပူးပေါင်းရင်းမြစ်များ

1 Bibɔrb 1:38

Kina pu na, Sadok, ni Natann, ni Benaya, ni ubɔr aakikiib nan di Solomonn diŋ Ubɔr David aataan pu, le ki cheen u buen Gihonn aayayak aanyunbun chee.

Ilahn 149:2

Israel yaab, li kpa mpopiin Uwumbɔr u nan ŋa nimi litimbol na pu; Sionn yaab, li mɔɔni Uwumbɔr u ye nimi aabɔr na pu man.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 45:1

Ŋimɔbonyaan le gbii nsui ni, le m naan nlahn mue m tii ubɔr. Nlambil gor ke li di nlahn lii ke ugbaŋmeer nyaan aagbaŋmeemoon aah ga ŋmee pu na.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Esekiel 21:32

Mmii le ga kuln nimi. Nimi aatiŋ ponn ni le nimi aasin ga nya, le ubaa aan ki teer ni bɔr daalbaadaal.’” Uwumbɔr le len kina.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Maika 4:8

Le sin, Jerusalem aatiŋ ni, nin chee Uwumbɔr lik waanib pu ke upihdaan na, ga ki gir kpaln nnaan mu aa nan yeh na aatiyil.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Sekaria 2:10

Uwumbɔr nan ki bui ke, “Jerusalem aanib, li gaa mpopiin aalahn. M choo m nan li koo ni chee la.”

Matiu 1:21

U ga maa ubijabo, le aa ga yin u ke Yesu; ba pu? uma le ga nyan waanib baatunwanbir ni.”

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Matiu 2:2

ki nan baa ke, “Baah ma ubo u ye Juu yaab aabɔr na, u bi la chee? Ti kan waaŋmabil liwipuul wɔb, le ti dan ke ti nan doon u.”

Tibɔnyaan ti Mak ŋmee ti na 11:7

Le bi joo ni ubon ngbaan Yesu chee, ki di baakeken biin u pu. Le Yesu diŋ u pu.

Tibɔnyaan ti Luk ŋmee ti na 24:27

Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

Jɔnn 19:15

Le bi teen, “Nyan u nima, nyan u nima, kpaa u ndɔpuinkoo pu.” Le Pailat baa bi, “M di nimi aabɔr kpaa ndɔpuinkoo pu uu?” Le Uwumbɔr aatotoorninkpiib bui u, “Taa ki kpa ubɔr ubaa ki kpee Siisa pu.”

Bibɔjirb 10:4

U nan kpa japɔtiib piitaa, le bi dik ibon piitaa pu. Bi nan kpa ntim piitaa le Gilead aatiŋ pu. Bi beenin yin mu ke Jair aatimbim la.