Sekaria 9:8 - Uwumbɔr aagbaŋ

⁸ M ga li kii maatiŋ ki taa cha baadim aajab bɔ ki ponn ni jer. Maan cha bibiindam ki muk maanib. Min mbaa aanimbil ga li bi maanib pu.”

Sekaria 9:8 ပူးပေါင်းရင်းမြစ်များ

Aisaya 54:14

Ibamɔn ni lituln li ŋan na le ga tii si mpɔɔn. Aa ga fuur limukl ni mbiin pu.

Aisaya 60:18

Naan ki ŋun tijar aafuuk pu daalbaadaal; libiil aan ki dan nimi aatiŋ ni daalbaadaal. M ga li kii nimi ke ligoln na la; ni ga pak mi, maah gaa nimi lii pu na pu.

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Amos 9:15

M ga giin bi kaan, maah tii bi kitiŋ ki na pu, le ubaa aan ki ŋmaa daa nyan bi ki ni daalbaadaal.” Nidindaan Uwumbɔr le len kina.

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Aisaya 31:5

Unyoon aah wuŋni waadil pu ki kii waabim pu na, kina le min Uwumbɔr Mpɔɔnsakpiindaan ga kiir Jerusalem aatiŋ ki biin ki pu.”

Ilahn 72:4

Cha ubɔr ji bigiim aabɔr mbamɔm, ki ter binib bi kaa kpa na, ki nyaŋ binib bi muk bi na.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

Nnyam 3:9

Mbamɔn, m ŋun maanib aah wii pu na, m kan Ijipt yaab aah ŋani bi falaa pu na.

Tibɔkpiirkaan 20:9

ki chuun gbii dulnyaa aapepel mɔmɔk ni, ki si gob kitiŋ ki Uwumbɔr gee ki, aan waanib bi nima chee na. Le mmii nyan ni Uwumbɔr do ki nan wun bi mɔmɔk.

Lituln 7:34

M kan maanib Israel yaab aah bi ji falaa sakpen Ijipt aatiŋ yaab aaŋaal ponn ni pu na, ki ŋun baah wii pu na, le m sunn ni ke m nan gaa bi lii. Li pel, m ga tun si Ijipt aatiŋ ni, aa ti nyan bi nima chee.’

Sekaria 14:11

Binib ga li koo nima ni nsuudoon la. Ubaa aan ki di libiil aabɔr faan bi.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Jeremia 46:13

Babiloŋ Aabɔr Nebukadnesar aah nan dan nan tak Ijipt aatiŋ pu na, le Uwumbɔr nan len m chee tibɔr. U nan len ke,

Jeremia 46:2

U nan di Ijipt aatimbol aabɔr le loln nsan. U nan len Ijipt Aabɔr Neko aajab bi Babiloŋ Aabɔr Nebukadnesar nan nyaŋ bi Kakemis aatiŋ ki bi gbɔk Yufrates Aamɔɔl na aabɔr. Ni nan ye Juda aabɔr Jehoyakim aanaan aayoonn aabinanar ni la. U nan len ke,

Aisaya 26:1

Nwiin mubaa choo, le binib ga gaa nlahn mumina Juda aatiŋ pu: Timi aatisakpeŋ pɔɔ. Uwumbɔr ubaa le kii kaagon.

Aisaya 4:5

N‑yoonn ngbaan le Uwumbɔr ga tun ni ntaalangbam mu nan biin Sionn Aajool ni binib bimɔk kuun nima chee na nwiin pu, ki di iŋmanyuu ni mmiigaal mu wiin chain na biin bi pu kinyeek. Uwumbɔr aapak ki ye nwiihn na le ga biin ki kii kitiŋ ngbaan mɔmɔk.

2 Bibɔrb 24:1

Jehoyakim aah nan ye ubɔr na, le Babiloŋ aatiŋ aabɔr Nebukadnesar nan koo ni Juda aatiŋ ni, le ki muk Jehoyakim u bi u taab ki ti saa ŋibin ŋitaa; nee aapuwɔb le u nyan upuwɔb.

2 Bibɔrb 23:29

N‑yoonn mu Josia nan ye ubɔr na, le Ijipt aatiŋ aabɔr Neko nan di waajab buen Yufrates Aamɔɔl chee ke u ti ter Asiria aatiŋ aabɔrkpaan. Ubɔr Josia nan pɔɔn ubaa ke u kiir Ijipt aajab ngbaan Megido aatiŋ ni, le bi ku u butɔb ni, nima chee.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Sekaria 9:7

Baan ki ŋmɔ tinann ti kpa nsin ti ponn ni na, kaan ki ji tijikaar ti kɔ na tibaa. Binib bi ŋmar na mɔmɔk ga kpaln maanib la, ki li bi ke ntaŋaal mubaa na Juda aanibol ni. Ekronn aatiŋ aanib ga kpaln maanib ke Jebus yaab aah ŋa pu na.

2 Bibɔrb 19:34

M ga kiir kitiŋ kimina, ki biin ki pu, maapak, ni maah puu tipuur ti tii maatutunn Ubɔr David na pu.’”

Ŋiyataŋak 3:25

Saan li san ijawaan i ga lir si, ke yaah ga lir ubiindaan, ke kitaabuŋ aah lir unii pu na.

Sekaria 12:4

N‑yoonn ngbaan kan, m ga cha ijawaan chuu baataan mɔmɔk ki cha bijab bi dik i pu na mɔmɔk waar. M ga li lik Juda aanib, le ki cha baadim aataan jɔb.