Sekaria 9:3 - Uwumbɔr aagbaŋ

³ Taya maa ŋigon gob kaatim mu kpa tijawan na kiir kibaa, le ki kuun tikunabr ni salmaa, le ni ti gur wiir ke titan na.

Sekaria 9:3 ပူးပေါင်းရင်းမြစ်များ

2 Samuel 24:7

Bi nan nyan nima, le ki buen liwipuul aaŋangii wɔb, ki ti fuu Taya aatiŋ ki bi maa ŋigon gob ki na ni, ki nyan nima, ki buen Hif ni Kanaann yaab aatim mɔmɔk ni, le ki di Beerseba, ni bi Juda aawipuul aaŋangii wɔb na, gbiln puwɔb.

1 Bibɔrb 10:21

Ubɔr Solomonn aayikur mɔmɔk nan ye salmaa aayikur la, le ŋisambil ŋi mɔmɔk nan bi Lebanonn Aachook Aanaakook na ponn ni na nan ye salmaa bamɔnn aawan ŋmeen. Buyoonn Solomonn nan ye ubɔr na, baa nan yin tikunabr nibaa, kina pu na, baa nan di tikunabr ŋa nibaa.

1 Bibɔrb 10:27

Waayoonn, tikunabr nan wiir Jerusalem aatiŋ ni ke ŋitakpal na la, le santina mu aadɔ wiir ke sufam bu si Juda aataataab aagongon ni na.

Job Aagbaŋ 22:24

Di saasalmaa mae; di saasalmaa u ŋan sakpen na ti mae mbufan ni.

Job Aagbaŋ 27:16

Nibaakan bibiindam aan ti ki li nyi baamombil mɔk ki ga li kpa tiwanpeenkaan jer unii aah ban pu na;

Job Aagbaŋ 3:15

M ba ga li geeni ke bitinjoob bi di salmaa ni tikunabr gbiin baadichal ni na,

Aisaya 23:11

Uwumbɔr taln uŋaal paan nnyusakpem pu ki nyaŋ bibɔrb aanaan. U cha bi bii Fonisia aanyam.

Aisaya 23:8

Ŋma nan kal kpokl ke tibɔbir timina dan Taya aatiŋ pu, mpɔɔn aatiŋ ki aawantiirb naahn biyidam, ki nan ye bininyuum kitiŋ kee pu na?

Esekiel 26:12

Saadim ga di saawangol, ni tiwankookaan ŋa baawan. Bi ga tur saagon lir, ki ber saadichal ŋi ŋan sakpen na. Bi ga yoor ŋaatakpal, ni idɔ, ni tibir ngbaan mɔmɔk ti ŋa nnyusakpem ni.

Esekiel 27:27

Saawankookaan, ni saawangol na, ni saaŋɔŋaab, ni binib bi ter bi na mɔmɔk, ni saaŋɔb aakpikpiib, ni biwankoob, ni butɔb aajab mɔmɔk nan bee nnyusakpem ni buyoonn saaŋɔb nan bee nnyun ni na.

Esekiel 27:33

Saawankoob aah nan buen nnyusakpem aapuwɔb na, ŋitimbol mɔmɔk nan kan ŋaah ban pu na aa chee. Saawan ni saawangol nan tii bibɔrb liwankpal.

Esekiel 27:34

Dandana, aa bee nnyusakpem ni a; aa muin nnyusakpem aanyonyoon ni. Saawan ni binib bi tun tii si na, ni sin aabaa mɔmɔk wɔŋ nnyusakpem ni a.’

Esekiel 28:1

Uwumbɔr nan len m chee tibɔr ki bui ke,

Amos 1:9

Uwumbɔr ki len ke, “Taya aatiŋ aanib aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa ntimɔln aanib mbiin ki di bi kooh tii Edom yaab, kaa joo limaantɔl aajɔtiik ki bi nan puu tii tɔb na.

Josua 19:29

Le kaanaanmɔk ki yoor ki fenn ki ti nyan Rama aatiŋ ni, ki di kina ti ker Taya aatiŋ ki bi maa ligoln mann gonn ki na, le ki fenn ti nyan Hosa aatiŋ ni, le ki ti doo Kaasisik ni Aanyusakpem mɔk. Kitiŋ ngbaan aatim le nan ki ye Mahalab, ni Aksib,