Sekaria 7:6 - Uwumbɔr aagbaŋ

⁶ Baah nan ti ki ji ki nyu buyoonn na, ni nan ye bibaa aapuujiir pu le bi ŋani kina.”

Sekaria 7:6 ပူးပေါင်းရင်းမြစ်များ

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Sekaria 7:5

U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 14:26

Ni di ŋimombil ngbaan daa naah ban tiwan ni na. Ni ga ŋmaa daa naah ban tiwan ni na. Ni ga ŋmaa daa kiwakork, bee ŋisubil aadaan, bee tiwan nimɔk ni ban na. Le nimi, ni nimi aamaal ga ŋmaa kpaan ki ji tiwan ngbaan Nidindaan Uwumbɔr aanimbiin ni, ki li kpa mpopiin.

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”