Sekaria 7:5 - Uwumbɔr aagbaŋ

⁵ U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Sekaria 7:5 ပူးပေါင်းရင်းမြစ်များ

2 Bibɔrb 25:23

Juda aaninkpiib ni baajab bi kaa nan di bibaa tii Babiloŋ yaab na aah ŋun kina na, le bi buen Gedalia chee Mispa aatiŋ ni. Bininkpiib ngbaan le nan ye Netania aajapɔɔn Ismael, ni Karea aajapɔɔn Johanann, ni Tanhumef u nyan ni Netofa aatiŋ ni na aajapɔɔn Seraya, ni Maaka aatiŋ aanii Jesania.

2 Bibɔrb 25:25

Tɔ, libinbaal ngbaan aaŋmalole ni, le Netania aajapɔɔn Ismael, u aayaaja nan ye Elisama, aan u nyan ni libɔrdichal ni na, di bijab kipiik buen Mispa aatiŋ ni ki ti tak Gedalia ki ku u. U nan ku Israel yaab, ni Babiloŋ yaab bi nan bi u chee na mu.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Jeremia 25:11

Kitiŋ kee mɔmɔk ga kpaln tilangbenn le ki li kpa ijawaan, le kaanib ni ŋitimbol ŋi bi gbɔk na ga li tun tii Babiloŋ aabɔr ki ti saa ŋibin imonko itaa ni kipiik.

Jeremia 29:10

“Uwumbɔr ki len ke, ‘Babiloŋ aabin imonko itaa ni kipiik na yaa jer kan, m ga mɔk nimi maah neen nimi pu ki joo tipuur ti m nan puu ke m ga giin ni nimi nido na.

Jeremia 52:12

Ubɔr Nebukadnesar aah nan ye Babiloŋ aabɔr pu na aabin kipiik ni liwawaer aaŋmaŋmu aawiin kipiik daal, le waasusur Nebusaradann, u nan ki ye waajab aayidaan na, nan koo Jerusalem aatiŋ ni.

Daniel 9:2

Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Sekaria 1:12

Le ntuun ngbaan bui ke, “Uwumbɔr Mpɔɔnsakpiindaan, saaŋuul nan fii Jerusalem ni Juda aatim pu ki ti saa ŋibin imonko itaa ni kipiik le na. Bayoonn aan aa ga san mu kinimbaak?”

Sekaria 7:3

ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”

Sekaria 7:4

Uwumbɔr aah di tibɔr ti tii ni mi na sɔ.

Sekaria 7:6

Baah nan ti ki ji ki nyu buyoonn na, ni nan ye bibaa aapuujiir pu le bi ŋani kina.”

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Matiu 23:5

Baah tun pu na mɔmɔk, bi ban ke binib kan aan ki pak bi. Bi di Uwumbɔr aabɔr tam biyigbeer pu, ki ŋa baabɔkur aamɔgbeln ni fɔk, ke binib kan aan ki pak bi.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Matiu 6:2

“Aa yaa tii ugiin tiwan kan, taa joo kiloŋ gbaa ke biŋmaŋmannim aah ŋani pu mmeen aadir ni, ni kitiŋ ponn ni, ke binib pak bi na. M tuk nimi mbamɔn la, bi kan baapal le na.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

2 Korenti 5:15

U nan kpo binib mɔmɔk pu, ke binib bi laa bi na taa ki ŋani baageehn, bi li ŋani waageehn; ba pu? u nan kpo bi pu ki fikr nkun ni.

Kolosiya 3:23

Naah ŋani tiwan nimɔk na, ni cha nitafal li bi ni ni, ki tun lituln ke naah ba ga tun tii Tidindaan pu na, naa ye binib.