Sekaria 4:7 - Uwumbɔr aagbaŋ

⁷ Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Sekaria 4:7 ပူးပေါင်းရင်းမြစ်များ

Esra 3:10

Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Ilahn 114:4

Ŋijoo nan yuk ja ja ke iŋoob na; le ŋigongon yuk ke ipihbi na.

Ilahn 114:6

Nimi ŋijoo, ba nan ŋa aan ni yuk ja ja ke iŋoob na? Nimi ŋigongon, ba nan ŋa aan ni yuk ke ipihbi na?

Ilahn 118:22

Litakpal li bidimaab yii li na, lima le ye litakpajal.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 41:15

M ga ŋa nimi ke lidipoidabil li laa soon ki nyuun na la. Ni ga poi ŋijoo ki doo ŋi; ŋigongon ga wii ki kpaln kitangbaak.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 51:25

Babiloŋ, aa naahn lijool li bii dulnyaa wee mɔmɔk na la, le min Uwumbɔr le ye saadin. M ga chuu si, ki ber si bil kitiŋ, ki cha aa kpaln nfatan.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Sekaria 4:8

Uwumbɔr aabɔr tiken nan ki fuu ni m chee.

Sekaria 4:9

U nan bui ke, “Serubabel bil Maadichal aadinyikl aatakpal, le ki ga maa li doo. Nimina yaa nan ŋa kan, maanib ga bee ke min le tun ni si bi chee.

Matiu 21:21

Le Yesu bui bi, “M tuk nimi mbamɔn la, ni yaa gaa Uwumbɔr ki kii, kaa joo beeni kan, ni mu ga ŋmaa ŋa kina. Naa ye nimina baanja le ni ga ŋa. Ni yaa po bui lijool limina ke li fii ki ti lir nnyusakpem ni kan, ni ga ŋa kina.

Matiu 21:42

Le Yesu baa bi, “Naah kee karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal. Uwumbɔr le ŋa kina, le ni gar timi pam.’

Tibɔnyaan ti Mak ŋmee ti na 12:10

Naa karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal.

Tibɔnyaan ti Luk ŋmee ti na 20:17

Le Yesu lik bi, ki bui bi, “U yaa kaa ŋa bi kina kan, Uwumbɔr Aagbaŋ aah len pu na aatataa ye kinye? ke, ‘Litakpal li bidimaab yii li na, lima le ye litakpajal.’

Tibɔnyaan ti Luk ŋmee ti na 3:5

Bi ga di titan gbiin tifatann mɔmɔk, ki ber ŋijoo ni ŋigongon mɔmɔk lii taab, ki naar isan imɔk gɔr na, ki ŋa isan imɔk kaa joon na, i li joon tii u.

Lituln 4:11

Yesu aabɔr ŋmee Uwumbɔr Aagbaŋ ni ke, ‘Litakpal li bidimaab yii li na, lima le ye litakpajal.’

Rom Yaab 11:6

Waah lee bi waanimbaasaln pu na kan, naa ye baatuln pu le u lee bi. Ni yaa ye baatuln pu kan, waanimbaasaln aan ki li ye linimbaasaln bamɔnn.

Efesusi 2:20

Nimi Yesu aanib naahn kidiik la. Bi maa nimi lidinyikl li ye Yesu aakpambalb ni Uwumbɔr aabɔnabtiib na pu la. Yesu Kristo ubaa le ye lidinyikl ngbaan aatakpakpaan.

1 Piita 2:7

Nimi bi gaa u ki kii na, u ŋan ni chee sakpen la. Le binib bi kaa gaa u ki kii na, bi li nyi ke Uwumbɔr Aagbaŋ len ke, “Litakpal li bidimaab yii li na, lima le ye litakpajal,”

Tibɔkpiirkaan 16:20

Le ŋidik mɔmɔk muin nnyun ni kaa ki bi, ŋijoo mɔmɔk mu lir.