Sekaria 4:6 - Uwumbɔr aagbaŋ

⁶ Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Sekaria 4:6 ပူးပေါင်းရင်းမြစ်များ

Mpiin 41:16

Le Josef bui u ke, “Ubɔrkpaan, maan ŋman. Uwumbɔr le ga cha m nabr ti mbamɔm.”

1 Bibɔrb 19:12

Kitiŋ aah dam ki puu jer na, mmii nan nyan ni; Uwumbɔr mu aa nan bi mmii ngbaan ni. Mmii ngbaan aah jer na, le ineel nan lɔe ki len tibɔr.

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 3:10

Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Ilahn 33:16

Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Aisaya 30:1

Uwumbɔr len ke, “Binib bi joo Juda aatiŋ na aamɔfal junn a; ba pu? bi yii maamɔb. Bi dii isan i maa mɔk bi na; le bi ni biken kpaani kimɔbaan ki maa tuk bi ke bi kpaan na, le ki moo joo titunwanbir kpae titunwanbir pu.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 34:16

Ban kan Uwumbɔr Aagbaŋ ni, tiwanfuurkaan aabɔr na, ki karn naah ŋmee pu na man. Tiwanfuurkaan nimina ponn ni nibaa aan wɔŋ, le ni mɔmɔk mu ga li kpa niŋeen aatɔ. Uwumbɔr le len ke ni li bi kina; uma ubaa le ga kuun ni mɔmɔk nan kpaan tɔb chee.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Daniel 2:34

Saah nan si lik ni na, le litakpal sakpeln libaa ker nyan ni lijool aamɔgbeln, ubaa aa di uŋaal meeh li, ki nan yun tikur ni tiyakr aataafar na, ki wii ti yak yak.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 2:21

le Uwumbɔr nan ki tii Hagai tibɔr tee ke u di tii Juda aayidaan Serubabel ke, “M ban m dam paacham ni kitiŋ

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Nkahm 27:16

“Ndindaan Uwumbɔr, sin u ye umɔfadaan na, m mee ke aa nyan uja u ga ŋmaa joo binib bee na,

Efesusi 6:17

ki li chik tikur aayikpupuk ki ye Uwumbɔr aapɔɔn mu gaa nimi lii na; ki yoor Uwumbɔr aabɔr ti naahn kijaak aajuk ki Waafuur Nyaan di tii timi na;

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”