Sekaria 4:2 - Uwumbɔr aagbaŋ

² U nan baa mi ke, “Aa waa ba?” Le m gar u ke, “Karyaa aah chɔŋni salmaa aawan ni pu na. Likpasambil chɔk ni paacham. Karyaa tiib bilole le chɔk ni pu ki kpa ŋipal.

Sekaria 4:2 ပူးပေါင်းရင်းမြစ်များ

1 Bibɔrb Aabɔr 28:15

le ki mɔk u, u ga ŋeer karyaa mɔk, ni waah tɔŋni tiwan ni pu na.

2 Bibɔrb Aabɔr 13:11

Bi tii Uwumbɔr kichakpiik ni, ni kijook mɔk aatulalee aayon aapiin, ki toor tiwakor ki joo seer mmii ni tii u. Bi tii u boroboro aapiin teebul u paab bi chain u chee na, le kijook mɔmɔk kan, bi seer karyaa tiib bi tɔk salmaa aawan pu na. Ti tun Tidindaan Uwumbɔr aah mɔk pu na la, le nima yii u.

2 Bibɔrb Aabɔr 4:7

Bi nan ŋa salmaa aawan ni pu karyaa tiib tɔŋni na tiwan kipiik, ke baah ti ŋani ni pu na, ni teebul tiib kipiik, ki di bi siin Uwumbɔr Aadichal aadisakpeŋ na ponn ni. Karyaa tiib aawan ngbaan niŋmu, ni teebul tiib biŋmu si lipepel libaa la, le niŋmu ni teebul tiib biŋmu mu si lipepel liken. Bi nan ki ŋa salmaa aasambil nkub mu.

Ulandaan 12:6

Tikunabr aaneeleen na ga kii, le salmaa aakaryaa na ga lir ki wii. Ŋŋmin mu bi liboln pu na ga kii, le goomaa ga wii yuk yuk.

Jeremia 24:3

Le Uwumbɔr baa mi ke, “Jeremia, aa waa ba?” Le m gar ke, “Ŋikakan. Ŋinyaan na nan ŋan sakpen, le ŋi kaa nan ŋan na, aa nan ŋan kpala unii ga ŋmaa ŋmɔ ŋi.”

Jeremia 52:19

Bi nan yoor tiwan ni mɔmɔk bi di salmaa ni tikunabr naan ni na: bi nan yoor nsambim, ni ŋisambil ŋi bi joo moor mmii na, ni ŋisambil ŋi bi joo teŋni kitork aasin na, ni nfatan aasambil, ni karyaa mam aah tɔŋni tiwan ni pu na, ni ŋisambil ŋi bi joo seer tulalee aayon na, ni ŋisambil ŋi bi joo toor ndaan aatork na.

Amos 7:8

le u baa mi ke, “Amos, aa waa ba?” Le m bui u ke, “Likpaln li bi joo ŋaŋni tiwan na.” Le u bui mi ke, “M joo li ke m di mɔk si ke maanib naahn ligoln li bi maa li aan laa tuk na la. Maan ki kpeln maalandak maah ga daa bitafal pu na.

Sekaria 5:2

Le ntuun ngbaan baa mi ke m waa ba? Le m gar u ke, “M waa kigbakpaikee ki laani paacham na la; kaafɔfɔk ye ŋitaa piitaa, le kaawawaan mu ye ŋitaa kipiik ni ŋiŋmu.”

Tibɔkpiirkaan 1:12

Le m fenn lik ke m bee udaan u len m chee kina na. Maah fenn na, le m kan salmaa aawan ni pu karyaa tiib tɔŋni na tiwan nilole,

Tibɔkpiirkaan 1:20

Saah kan iŋmabi ilole i ŋŋangii ni, ki kan salmaa aawan ni pu karyaa tiib tɔŋni na tiwan nilole na, naatataa le ye ke iŋmabi ilole ngbaan si maanib bi bi ntim mulole ngbaan ni na aatuuntiib aasisiiyaan. Karyaa tiib aah tɔŋni tiwan ni pu, aan ni ye nilole ngbaan mu si maanib bi bi ntim mulole ngbaan ni na aasisiiyaan.

Tibɔkpiirkaan 4:5

Libɔrjal ngbaan chee moor lak lak ke utaal aah moor pu na, kifuuk mu faa ke utaal aah tar pu na. Karyaa bilole mu wiin libɔrjal ngbaan aanimbiin ni, ki ye Uwumbɔr Aafuur mulole la.