Sekaria 3:8 - Uwumbɔr aagbaŋ

⁸ Kina pu na, Josua, sin u ye Utotoorninkpel na, ni nimi bi ye utotoorŋeen aatɔtiib ki ye n‑yoonn mu choo na aamɔkl nyaan na, li pel man: M ga nyan maatutunn, u bi yin u ke Mbon ngbaan na mpaan pu.

Sekaria 3:8 ပူးပေါင်းရင်းမြစ်များ

Ilahn 71:7

Maamɔfal ye limɔkl le ki tii binib pam; ba pu? sin le ye maakikiir u pɔɔ na.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 20:3

Buyoonn bi nan nyaŋ Asdod aatiŋ na, Uwumbɔr nan ki bui ke, “Maatutunn Aisaya nan chuun uŋmeen, kaa tak ŋinaatak mu, ŋibin ŋitaa. Nimina le ye limɔkl ki mɔk tiwan ni ga ŋa Ijipt ni Kus aatim na.

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 49:3

U nan bui mi ke, “Israel aanibol, sin le ye maatutunn; sin pu, le binib mɔmɔk ga pak mi.”

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 52:13

Uwumbɔr bui ke, “Maatutunn ga nyaŋ waatuln; bi ga nyuŋ u sakpen.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 53:2

Ni nan ye Uwumbɔr aageehn ke waatutunn nyal sil ke busub bu si nteer pu ki kpa inyaan na. Waa kpa kinyaan ni bunyuŋ ni ga cha binib li neen u na. Nibaa aa nan bi u chee ki ŋan, nibaa aa bi, ki ga daa timi dan u chee.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Jeremia 33:15

N‑yoonn ngbaan le m ga lee Ubɔrkpaan David aayaabil u aabimbin ŋan na ŋa ubɔr. Ubɔr ngbaan ga ti tun ni ŋan ki ye ibamɔn na le kitiŋ ngbaan mɔmɔk pu.

Esekiel 12:11

Bui bi ke saah ŋa tiwan ni na le ye tiwan ni ga ŋa bi na aamɔkl, ke bi ga li ye bikusam ni binaagbiib la.

Esekiel 12:6

Cha bi kan saah di saatuln buŋ aabɔgbiln pu pu na, ki poo biin aanimbil pu ki li cha mbɔmbɔɔn ni, kaa nyi saah cha nin chee na. Saah ga ŋa pu na le ye nsurm kpaan ki tii Israel yaab.”

Esekiel 24:24

N‑yoonn ngbaan le m ga li ye limɔkl ki tii nimi; ni ga ŋa maah ŋa pu na mɔmɔk. Uwumbɔr bui ke kina yaa nan ŋa kan, le ni ga bee ke uma le ye Nidindaan Uwumbɔr.”

Esekiel 34:29

M ga tii bi ikpaakon i nyuun na, ki kuln nkon kitiŋ ngbaan pu. Ŋitimbol ŋiken na aan ki laa bi daalbaadaal.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.