Sekaria 3:4 - Uwumbɔr aagbaŋ

⁴ Ntuun ngbaan nan bui paacham yaab bi bi u chee na ke, “Chuu peer uja wee aah si pee tijɔŋ aawan ni na,” le ki bui Josua ke, “M chuu nyan saatunwanbir aa pu, le ki ga tii si tiwanpeenkaan nyaan aa peen.”

Sekaria 3:4 ပူးပေါင်းရင်းမြစ်များ

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

Ilahn 51:9

Taa cha aanimbil kan maatunwanbir, ki finn nyan maabɔbir mɔmɔk.

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Jeremia 52:33

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 42:14

Bitotoorb yaa koo Uwumbɔr Aadichal ni ki ban bi nya lichinjal ni kan, bi peer baah ba pee chain aawanpeenkaan ni ki tun Uwumbɔr aanimbiin ni lituln na bilni nima chee la. Bi ga di tiwanpeenkaan yayan le peen ki nin nya buen binib aah kuun nin chee na.”

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Sekaria 3:1

Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Sekaria 3:9

M ban m di litakpal libaa li kpa ŋipepel ŋilole na bil Josua aanimbiin ni. M ga di kichiln ŋmee tiwan paan li pu, le ki di liwinbaal nyan kitiŋ kimina aatunwanbir.

Matiu 22:11

“Le ubɔrkpaan ngbaan koo ni u nan lik binib bi dan bi nan ji tijikaar ngbaan na, le ki kan uja u kaa pee tibɔndinn aawanpeenkaan na.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 15:22

Le ute bui waatutum, ‘Li cha mala ki ti yoor ni lininkpebɔkul nyaan na, ki nan di peen u, ki di kibɔmbik ŋmaan u, ki di ŋinaatak taŋ u,

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Rom Yaab 3:22

Binib bimɔk gaa Yesu Kristo ki kii na, bima le Uwumbɔr len ke baabɔr ŋan. Baah gaa Yesu Kristo ki kii na, nima le cha Uwumbɔr len ke baabɔr ŋan. Ubaa aa bi ubaa, ki cha biken;

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Kolosiya 3:10

ki yoor mbimbipɔm la. Uwumbɔr le tii nimi mbimbipɔm ngbaan, ki bi toor mu, ke ni moo bee u, ki li naahn u.

Hiibru Yaab 8:12

M ga di cha pinn baatunwanbir, kaan ki teer baataani.”

Tibɔkpiirkaan 5:11

Le m lik ki kan Uwumbɔr aatuuntiib ŋichur ŋichur, kaa ti nyi baakahm. Bi si gob Uwumbɔr aabɔrjal, ni tiwanfuurkaan, ni bininkpiib ngbaan.

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.