Sekaria 3:2 - Uwumbɔr aagbaŋ

² Uwumbɔr aatuun ngbaan nan bui kinimbɔŋ ke, “Sin kinimbɔŋ, Uwumbɔr bui ke aa ŋmin. Uwumbɔr u gee Jerusalem na bui ke aa ŋmin. Uja wee bi ke ndɔ mu bi chuu daa nyan mmii ni na la.”

Sekaria 3:2 ပူးပေါင်းရင်းမြစ်များ

2 Bibɔrb Aabɔr 6:5

‘Ki nyan n‑yoonn mu m nyan ni maanib Ijipt ni ki nan saa din na, maa lee kitiŋ kibaa Israel aatiŋ ni ke nima chee le bi ga maa lidichal li ponn ni bi ga li dooni mi na, kaa lee unii ubaa ke u li joo maanib Israel yaab.

2 Bibɔrb Aabɔr 6:6

Le dandana ma kan, m lee Jerusalem aatiŋ ni le ke bi li dooni mi nima, le ki lee sin, David, ke aa li joo maanib.’”

Ilahn 109:31

ba pu? uma le kii ugiin ki gaal u binib bi siin ke bi ku u na chee lir.

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Daniel 12:1

Uwumbɔr aatuun mu pee ŋitanyaan aawanpeenkaan na len ke, “N‑yoonn ngbaan yaa nan fuu ni kan, Uwumbɔr aatuun Maikel u kpa mpɔɔn ki kii Israel aanib na ga dan. Le tibɔbir aayoonn ga fuu ni, tibɔbir ti kaa kee ŋa n‑yoonn mu Uwumbɔr naan ŋitimbol na ga fuu ni. N‑yoonn ngbaan yaa nan fuu ni kan, saanib bimɔk aayimbil bi Uwumbɔr Aagbaŋ ni na ga ŋmar.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Sekaria 1:17

Ntuun ngbaan nan ki tuk mi ke m moon ke: “Uwumbɔr Mpɔɔnsakpiindaan bui ke waatim ga ki kan nkam, ke u ga ki ter Jerusalem ki di ki ŋa ubaa aatiŋ.”

Sekaria 2:12

Juda aapepel ga ki gir ŋa Uwumbɔr aawankpaan ki bi waatiŋ ki bi chain na pu, le Jerusalem li ye kitiŋ ki u gee jer ntim muken na.

Tibɔnyaan ti Mak ŋmee ti na 1:25

Le Yesu kae tiyayaar ngbaan, ki len ke, “Ŋmim. Di uja ngbaan lii.”

Tibɔnyaan ti Mak ŋmee ti na 9:25

Le Yesu kan ke kinipaak ngbaan san choo, ki kuuni, ki goi bi. Le u kae libimbikl ngbaan, le ki bui li ke, “Libimbikl li ŋa u ubir ni utafakpaa na, m bui si la, nyan u ni, ki taa ki chuu u daalbaadaal.”

Tibɔnyaan ti Luk ŋmee ti na 22:32

Le m mee Uwumbɔr tii si, aa taa di cha maasan. Aa yaa ki gir ni ki nan dii mi kan, pɔɔn aanaabitiib aataakpab.”

Tibɔnyaan ti Luk ŋmee ti na 4:35

Le Yesu kae tiyayaar ngbaan, ki len ke, “Ŋmim. Di uja ngbaan lii.” Le tiyayaar ngbaan di u lii kitiŋ, ki nyan cha u. Taah lii u kitiŋ na, naa ŋa u nibaa.

Tibɔnyaan ti Luk ŋmee ti na 9:42

Le ubo ngbaan aah choo na, libimbikl lii u kitiŋ, le ki cha uwon gbaa sakpen. Le Yesu kae libimbikl ngbaan, ki cha ubijabo ngbaan pɔɔk, le ki di u giin tii ute.

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’

Rom Yaab 16:20

Naan yunn, le Uwumbɔr u tii timi nsuudoon na, ga cha ni di nitaa taa kinimbɔŋ pu. Tidindaan Yesu Kristo ŋa tinyoor ŋa ni pu.

Rom Yaab 8:33

Ŋma ga ŋmaa galn binib bi Uwumbɔr nyan bi na? Uwumbɔr ubaa len ke baabɔr ŋan.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.

Juud 1:23

ki ter bibaa mu ke bi ŋmar ki nya ntafadaan ni. San bibaa mu kinimbaak man, ki li nan baatunwanbir ti ŋa bi tijɔŋ na, ki li san ijawaan baatunwanbir taa doo nimi.

Juud 1:9

Maikel u ye Uwumbɔr aatuuntiib aaninkpel na aa nan gee ke u sii kinimbɔŋ. U ni kinimbɔŋ nan kpak kinikpakpak Moses aawon pu, ke ulau ga yoor u. Maikel mu aa gee ke u sii kinimbɔŋ ki bii ki. U nan po bui ki ke, “Uwumbɔr li kae si.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”