Sekaria 3:1 - Uwumbɔr aagbaŋ

¹ Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Sekaria 3:1 ပူးပေါင်းရင်းမြစ်များ

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

1 Bibɔrb Aabɔr 21:1

Kinimbɔŋ nan ban tibɔr tii Israel yaab, kina le ki nan cha David ŋa nlandak ke u kahn waanib.

2 Bibɔrb Aabɔr 29:11

Njapɔtiib, taa taan man. Nimi le Uwumbɔr lee ke ni li seer tulalee aayon tii u, ki li lolni binib nsan waadoon ni.”

Esra 10:18

Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Ilahn 109:6

Nyan ubeebeedaan ubaa aan u ji maadin tibɔr, ki cha waadin ubaa galn u.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Esekiel 44:11

Bi ga ŋmaa li yeh Maadichal aabisamɔi, ki tun Lidichal ngbaan ponn ni aatun ŋiken ke maatutum na. Bi ga ŋmaa kɔr tiwakor ti binib joo ni bi nan toor kitork ki bi joo seer mmii ni na, ni titoor tiken, ki li ka binib aatuln pu.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:12

Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 1:13

Le Uwumbɔr di nsuudoon aabɔr ti ŋan na gar ntuun mu len m chee na.

Sekaria 1:19

M nan baa ntuun mu nan bi len m chee tibɔr na ke, “Iyiin ngbaan aatataa ye kinye?” Le u nan gar mi ke, “I si dulnyaa wee aapɔɔn inaa i yaa Juda, ni Israel, ni Jerusalem aanib na aasisii la.”

Sekaria 1:9

Le m baa u ke, “Maaninkpel, itaan yee aatataa ye kinye?” Le Uwumbɔr aatuun mu bi len m chee na gar mi ke, “M ga mɔk si yaatataa aah ye pu na.”

Sekaria 2:3

Le m kan ntuun mu ba bi len m chee tibɔr na nyan sil ni, le ntuun muken dan nan sil mu chee.

Sekaria 3:8

Kina pu na, Josua, sin u ye Utotoorninkpel na, ni nimi bi ye utotoorŋeen aatɔtiib ki ye n‑yoonn mu choo na aamɔkl nyaan na, li pel man: M ga nyan maatutunn, u bi yin u ke Mbon ngbaan na mpaan pu.

Sekaria 4:14

Le u bui mi ke, “Ima le ye bijab bilee bi Uwumbɔr, u ye kitiŋ kee mɔmɔk Aawumbɔr na, nyan bi ke bi li tun waatuln na.”

Sekaria 6:11

Di tikunabr ni salmaa u bi tii na ŋa kibɔryikpupuk, ki ti di chiŋ Jehosadak aajapɔɔn Josua, u ye Utotoorninkpel na.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Tibɔnyaan ti Luk ŋmee ti na 22:31

Le Yesu bui Simonn Piita, “Simonn, Simonn, lik, kinimbɔŋ kan nsan ke ki tɔŋ nimi, aan ni lir.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 18:15

U ga tun ni waabɔnabr u li bi ke min na, udaan ga li ye ninaabitiib ponn ni ubaa la. Ni ŋun tii u.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.

1 Samuel 6:20

Kina pu le Bef Semes aajab bui ke, “Ŋma ga ŋmaa sil Tidindaan Uwumbɔr u bi chain na aanimbiin ni? Ti ga di dakaa ngbaan buen la chee ki cha tibaa?”