Sekaria 2:4 - Uwumbɔr aagbaŋ

⁴ Le njan aatuun na bui uŋeen aatɔ na ke, “Li san ki ti bui unachipɔɔn u joo ŋŋmin mu bi joo ŋaŋni tiwan aafɔfɔk na, ke binib ni tiwakor ti ga li bi Jerusalem aatiŋ ni na ga li wiir pam, le Jerusalem aatiŋ ga li wiir ki jer baah ga ŋmaa maa ŋigon gob ki pu na.

Sekaria 2:4 ပူးပေါင်းရင်းမြစ်များ

Esta 9:19

Nimina pu le Juu yaab bi koo itingbaan ni na ji njim, ki tii tɔb ipiin, ki kpa mpopiin, Adar aaŋmal aawiin kipiik ni inaa daal.

Aisaya 33:20

Lik man Sionn, kitiŋ ki ponn ni ti ji Uwumbɔr aajim na. Lik Jerusalem man, kitiŋ ngbaan ga li ye nin chee ni ga li koo le tibaa aan ŋa na. Ki ga li bi ke libool li aadɔ aan ŋɔb daalbaadaal, aan laaŋmin mu aan kii na la.

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Aisaya 49:20

Saanib bi bi ti ma bi tinaagbiir ponn ni na ga nan bui si daalbaadaal ke, ‘Kitiŋ kee par sakpen a. Kpee timi kitiŋ aan ti koo ki ni.’

Aisaya 54:16

Min le naan uchaa u tuur mmii ki mɔɔ tijawan na. Min le ki naan butɔb aaja u joo tijawan ku na.

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

Jeremia 31:24

Binib ga li koo Juda ni kaatim mɔmɔk ni, le bikpaab ga li bi, le biwakojoob mu ni baawakor li bi.

Jeremia 31:27

“Min Uwumbɔr len ke n‑yoonn choo, le m ga cha Israel ni Juda aatiŋ gbiin binib ni tiwakor.

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Esekiel 38:11

Aa ga ŋa nlandak ke aa koo ti tak kitiŋ ki kaa kpa uteter ubaa aan kaanib bi nsuudoon, ni lifuur, ki koo ntim mu kaa kpa ŋigon ŋi ga ŋmaa kiir bidim na.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Maika 7:11

Jerusalem aanib, n‑yoonn mu ni ga ki gir maa kitiŋ kee aagon na choo. N‑yoonn ngbaan le nimi aapepel ga moo kpee.

Sekaria 1:16

Kina pu le m gir ni Jerusalem aatiŋ ni ke m nan mɔk ki maanimbaasaln. Maadichal ga ki gir sil, le bi ga ki gir maa kitiŋ ngbaan.”

Sekaria 1:17

Ntuun ngbaan nan ki tuk mi ke m moon ke: “Uwumbɔr Mpɔɔnsakpiindaan bui ke waatim ga ki kan nkam, ke u ga ki ter Jerusalem ki di ki ŋa ubaa aatiŋ.”

Sekaria 12:6

“N‑yoonn ngbaan kan, m ga ŋa Juda aataŋaal ke kichook ni aamii na la, bee mmii mu bi njikaabim mu kuur na aakpaab ni pu na la. Bi ga kuln ŋitimbol ŋi mɔmɔk mann goln bi na. Jerusalem aanib ga li bi lifuur ni, baatiŋ ponn ni.

Sekaria 14:12

Uwumbɔr ga cha iween i bir na nan lir ŋitimbol ŋi mɔmɔk tak Jerusalem na pu. Ŋaanib aawon ga bur le bi laa fu. Binimbil ni bilambil ga bur lir.

1 Timoti 4:12

Taa cha bi lik si fam ke aa ye unachipɔɔn la. Li len iliinyaan, ki li bi mbamɔm, ki li gee binib, ki li tun Uwumbɔr aatuln mbamɔm, ki li bi chain, aan ki li ye limɔkl ki mɔk binib bi gaa Yesu ki kii na baah ga li dii mbamɔm pu na.