Sekaria 13:3 - Uwumbɔr aagbaŋ

³ Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u.

Sekaria 13:3 ပူးပေါင်းရင်းမြစ်များ

Jeremia 23:25

M nyi bibɔnabr ngbaan aah len pu ki mɔln inyamɔn maayimbil pu, ke min le di maabɔr tuk bi tidaŋ ponn ni pu na aatataa.

Jeremia 23:34

Maanii ubaa, bee ubɔnabr ubaa, bee utotoor le yaa bui ke ‘Uwumbɔr aabɔr’ kan, m ga daa u ni waadichal aatafal.

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Esekiel 13:23

Nimi aanyamɔn aabɔkpiirkaan, ni tibɔr ti ni joo cha binib yenni isan na aabɔr doo a. M bi nyani maanib nimi aapɔɔn ni, le ni ga bee ke min le ye Uwumbɔr.”

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Matiu 10:37

“Unii umɔk gee ute, bee una ki jer mi na, waa ŋeer u le ye maadidiir. Unii umɔk gee ujapɔɔn, bee ubisal ki jer mi na, u mu aa ŋeer u le ye maadidiir.

Tibɔnyaan ti Luk ŋmee ti na 14:26

“Unii yaa dan u nan dii mi, ki yaa kaa gee mi ki jer waah gee ute ni una, ni upuu, ni waabim, ni unaatiib, ni ukpetiib, ni uninkpatiib, ni waamɔfal pu na kan, waan ŋmaa dii mi.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Ikaal 33:9

Bi nan mɔk ke bi pak si sakpen, ki jer baah pak bitetiib, ni binatiib, ni binaabitiib, ni baabim pu na. Bi kii saamɔb ki nan joo saah puu tipuur ti na mbamɔm.