Sekaria 13:2 - Uwumbɔr aagbaŋ

² N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Sekaria 13:2 ပူးပေါင်းရင်းမြစ်များ

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Ilahn 16:4

Binib bi san chaa ŋiwaa chee na joo ni tibɔbir le nan tii bibaa. Maan kpaan bi chee baatork ni; maan doon baawaa.

Nnyam 22:13

Nibaakan timoor ni aapeel le yaa chuu kiwakork ngbaan kan, unii u lik ki na li joo ni tinann ti upeel na ŋman gur na ki nan di mɔk; ni yaa sil ye ke upeel le chuu kiwakork ngbaan kan, unii u lik ki na taa pa nibaa.

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Aisaya 2:20

Nwiin ngbaan yaa fuu ni kan, bi ga di baah di salmaa ni tikunabr maa ŋiwaa ŋi na mee, ki san cha ŋi, ki di ŋi tii ŋinaasɔn ni tinanjenn.

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Esekiel 12:24

“Inyamɔn aadaŋ, ni tibɔnabrkaan ti ye inyamɔn na aan ki li bi Israel aanib ni.

Esekiel 13:23

Nimi aanyamɔn aabɔkpiirkaan, ni tibɔr ti ni joo cha binib yenni isan na aabɔr doo a. M bi nyani maanib nimi aapɔɔn ni, le ni ga bee ke min le ye Uwumbɔr.”

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 36:29

M ga nyan nimi tiwan ni mɔmɔk bii nimi na ni. M ga bui njikaabim le mu ŋa mbamɔm, le naan ki kan nkon daalbaadaal.

Esekiel 37:23

Baan ki di ŋiwaa ŋi sukr ponn ni na bii bibaa, kaan di titunwanbir bii baabimbin. M ga gaa bi mbimbin mu mɔmɔk ponn ni bi tun titunwanbir ki nya mpuwɔb na. M ga finn nyan bi tijɔŋ ni; bi ga li ye maanib, le m li ye Baawumbɔr.

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Esekiel 6:6

Israel aatim mɔmɔk ga kuln, aan baawaa, ni ŋiwaabimbin, ni nnyɔknii aabimbin ga wiil yuk yuk, le baah ŋa tiwan ni mɔmɔk na wɔŋ.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Hosea 2:17

Maan ki cha u yin liwaal Baal aayimbil kpala.

Hosea 2:19

Israel, m ga di si ŋa mpuu, maan nya aapuwɔb, ki ga li bi mbamɔm aa chee; m ga mɔk si ngeehm mu bi n‑yoonn mɔmɔk na, ni kinimbaak, ki cha aa li ye min yoo ki ti saa n‑yoonn mu kaa kpa ndoon na.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Matiu 12:43

“Tiyayaar yaa nyan unii ni kan, ti ga li chuun gɔr nnyun aah kaa bi kipɔɔk ki ponn ni na, ki ban taah ga kal nin chee ki fuur na, kaan kan.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Tibɔnyaan ti Luk ŋmee ti na 11:20

Mma kan, Uwumbɔr aapɔɔn pu le m nyani tiyayaar binib ni. Nima le mɔk ke Uwumbɔr aanaan fuu ni ni chee.

Ikaal 12:3

Ni gbaa wiir baatork aabimbin, ni baawaa aatakpal yak yak, ki see baapiiwaal Asera aanaŋ, aan ki gaa yikr baawaa mɔmɔk, nima kan, baan ki ŋmaa dan ŋaah bi nin chee na ki nan doon ŋi.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.