Sekaria 13:1 - Uwumbɔr aagbaŋ

¹ Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Sekaria 13:1 ပူးပေါင်းရင်းမြစ်များ

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 51:7

Nyan mi maatunwanbir ni, aan m nya chain; finn mi, aan m piir chain ke tikokonn na.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 29:26

“Uwumbɔr nan yii Jehoyada le ki di si ŋa utotoor, sin le ye uma Uwumbɔr Aadichal ni aayidaan. Ni ye sin le aatuln ke aa chur biwaarb bi mɔmɔk chuun ŋmanni ke bi ye bibɔnabr na, ki di tikur aabuen ŋmaan bisil, ki di tikululn baa bi kaan.

Jeremia 33:8

M ga finn nyan bi titunwanbir ti bi tun mi na ni, le ki di baatunwanbir, ni baah yii maamɔb pu na cha pinn bi.

Esekiel 36:17

U nan bui ke, “Unibɔn, Israel yaab aah nan koo baatiŋ ni na, bi nan di baabimbin ni baah tun pu na le bii kaayimbil. Nsui nan gar baabimbin mu kaa nan bi chain ke upii u bi waaŋmal aapiir ni na aah kaa bi chain pu na pu.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 36:29

M ga nyan nimi tiwan ni mɔmɔk bii nimi na ni. M ga bui njikaabim le mu ŋa mbamɔm, le naan ki kan nkon daalbaadaal.

Esekiel 47:1

Uja ngbaan nan ki di mi gir buen Uwumbɔr Aadichal aabisamɔb chee. Nnyun nan nyan ni mbisamɔb ngbaan aataab ki puu cha liwipuul wɔb, Uwumbɔr Aadichal aah lik lipepel li wɔb na. Mu nan puu Uwumbɔr Aadichal aataab ŋŋangii wɔb ki jer kitork aabimbiln aaŋangii wɔb.

Liifai Yaab 11:36

Tɔ, ni yaa ye nnyunbun, bee nin chee bi maa ki di nnyun ŋa ni ponn ni na kan, nima aa bii, tiwan niken ma yaa meeh naawankpol ngbaan kan, naa ki bi chain.

Maika 5:12

M ga bii nimi aanyɔk i ni joo tun nimi aatun na, ki cha ni taa ki li kpa bibɔɔb.

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Jɔnn 5:4

ba pu? nwiin nwiin le Uwumbɔr aatuun ubaa sunn ni ki nan koo nnyunbun ni, ki ti kur nnyun. Bundaln u yaa ti dan nan kur nnyun na kan, ubun u puen koo nnyun ni na kan, le u pɔɔk.]

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 5:6

Yesu Kristo le ye u nan dan dulnyaa wee ni na, le Jɔnn muin u nnyun ni. Baah nan ku u na, le waasin nyan. Naa ye ke Jɔnn muin u nnyun ni baanja la, bi nan ku u ki kpee, le waasin nyan. Uwumbɔr Aafuur Nyaan mɔk timi ke nimina ye mbamɔn la; ba pu? Nfuur Nyaan ye mbamɔndaan la.