Sekaria 12:2 - Uwumbɔr aagbaŋ

² “M ga ŋa Jerusalem ke kidayikuuk na la. Ŋitimbol ŋi mann goln ki na ga nyu, le ki chuun gbeer ke bidagbiib na. Le bidim yaa nan gob Jerusalem kan, bi ga gob Juda aatim mu mɔmɔk gur na.

Sekaria 12:2 ပူးပေါင်းရင်းမြစ်များ

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Jeremia 25:15

Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 25:17

Le m nan gaa kiyikuuk ngbaan Uwumbɔr aaŋaal ni, ki di tii ŋitimbol ŋimɔk Uwumbɔr tun mi ŋi chee na, ki cha ŋi nyun ki ponn ni.

Jeremia 49:12

“Hali binib bi kaa ba ye ke m daa bitafal na yaa ti nyun ntafadaan aayikuuk ni kan, ni dak ke nimi le aan kan ntafadaan aa? Mbamɔn ni ga nyu kiyikuuk ngbaan ponn ni.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Sekaria 14:14

Juda aajab ga jan Jerusalem pu. Bi ga yoor ŋitimbol ŋiken aasalmaa, ni tikunabr, ni tiwanpeenkaan, ni ŋaawangol na mpɔɔn di buen.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Tibɔkpiirkaan 14:10

ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.