Sekaria 11:3 - Uwumbɔr aagbaŋ

³ Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Sekaria 11:3 ပူးပေါင်းရင်းမြစ်များ

Ilahn 22:21

Gaa mi ichinn yee chee; maa kpa mpɔɔn mubaa inaajabir yee chee.

Aisaya 5:29

Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Jeremia 7:4

Taa ki len n‑yoonn mɔmɔk ‘Uwumbɔr Aadichal sɔ, Uwumbɔr Aadichal sɔ, nima pu le ti kpa ŋŋmarm.’ Ni ŋmanni nibaa la. Uwumbɔr Aadichal aan nya nimi ntafadaan ni.

Esekiel 19:2

Aana nan ye uchinnpiikpaan le ichinn ni. U nan kpiin waabim ichinnja i bir na aakaasisik ni la.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Sefania 1:10

Uwumbɔr ki bui ke, “Liyaadaal ngbaan kan, ni ga ŋun iwiil pu Ujan Aabisamɔb chee, Jerusalem aatiŋ ni. Ni ga ŋun ikpowiil pu baah laa maa tidipɔnn kitiŋ ngbaan ponn ni nin chee na, ki ŋun ŋidichal aah lir pu na aafuuk ŋigongon paab.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Sekaria 11:2

Santina tiib aah lir pu na, nimi ŋisalaasii, li wii ki kaani man; isui i kpa kinyaan na bii doo a. Isukpaan i bi Basann ni na, li wii ki kaani man, ba pu? kichook sakpeŋ na lir a.

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.