Sekaria 10:8 - Uwumbɔr aagbaŋ

⁸ M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 10:8 ပူးပေါင်းရင်းမြစ်များ

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 5:26

Uma Uwumbɔr yin dandar aatimbol. U foo ifoo ki yin bi ke bi nyan ni dulnyaa aanaan mɔmɔk ni ke bi dan. Le bi san ni mala ke libuln na ki choo.

Aisaya 51:11

Saah gaa binib bi lii na ga di mpopiin fuu Jerusalem, ki ga li gaa ilahn ki tar ni mpopiin. Bi ga li kpa mpopiin n‑yoonn mɔmɔk; bi ga nya kinimbaak, ni mpombiin ponn ni ki ti saa n‑yoonn mu kaa kpa ndoon na.

Aisaya 7:18

“N‑yoonn ngbaan yaa nan fuu ni kan, Uwumbɔr ga foo ifoo le ki mɔk Ijipt yaab ke bi fii ni ke tisibir na ki nyan ni Nail aamɔɔpan mɔmɔk; le Asiria yaab mu ga fii nyan ni baatim ni ke inangbee na ki dan.

Aisaya 7:19

I ga fii nan gbiin tifatann aalɔlɔnn ni, ni titakpalunn ni, ki ga biin ikokon aasui mɔmɔk pu, ki biin kimopɔɔk mɔmɔk ni.

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Sekaria 9:11

Uwumbɔr bui ke, “Maah nan puu tipuur ti tii nimi ki di kitork aasin biin ti pu na, le ga cha m gaa nimi aanib lii, ki nyan bi tinaagbiir aabuul li kaa kpa nnyun na ni.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.

Tibɔkpiirkaan 7:9

Nimina aapuwɔb le m kan kinipaak sakpeŋ. Ubaa aa ti ki nyi baakahm. Bi nyan ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, ki si Uwumbɔr aabɔrjal ni Upihbo ngbaan aanimbiin ni, ki pee tikparpipiin, ki ŋub tibɔkpafar biŋaal ni,