Sekaria 10:5 - Uwumbɔr aagbaŋ

⁵ Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Sekaria 10:5 ပူးပေါင်းရင်းမြစ်များ

2 Samuel 22:43

M gbaa bi, le bi kpaln kitangbaak; m taa bi pu kitiŋ ponn ni ke tikpakpar na la.

2 Samuel 22:8

Le kitiŋ dam ki deŋ; le kitaalangbaŋ aah baa nin chee na dam ki jii; ba pu? Uwumbɔr aaŋuul le nan fii.

2 Bibɔrb 9:33

le Jehu bui bi ke, “Di u mee lii ni man.” Le bi di u mee lii ni kitiŋ, le waasin yaa ligoln, ni itaan pu. Jehu nan di waataan ni tɔroku jer u pu,

Ilahn 18:42

M nan bi, le bi kpaln kitangbaak ki libuln daar joo cha na. M taa bi pu kitiŋ ponn ni ke tikpakpar na la.

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Ilahn 33:16

Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Ilahn 44:5

le ti joo saapɔɔn nyaŋni timi aadim.

Ilahn 45:3

Ubɔr sakpiin, di saajaak aajuk peen; aa kpa mpɔɔn ni kipak.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 41:12

ki kuln kitiŋ kee pu kookoo.

Aisaya 41:25

M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 8:9

Nimi ŋitimbol mɔmɔk, kuun tɔb chee ijawaan pu man. Nimi bi bi dandar kitiŋ kee pu na, li pel man. Gor man nibaa ki kiir kijaak. Mbamɔn, gor man, ki tee li san ijawaan man.

Esekiel 38:15

saapepel li bi ŋŋangan wɔb dandar na aatɔb aajab bi wiir, ki kpa mpɔɔn, ki nyan ni ŋitimbol pam ni, ki dik itaan pu na nya sil.

Amos 2:15

Binib bi joo itɔi na aan ki ŋmaa sil ki too, le bitaasam aan ŋmaa san ŋmar, bijab bi dik itaan pu na mu aan ŋmaa ŋmar.

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Hagai 2:22

ki nyaŋ nnaan yayan mɔmɔk ki kuln mu aapɔɔn. M ga nyaŋ itaan aatɔroku tiib ni binib bi ŋaal bi na; itaan ga kpoi, le binib bi dik i pu na ku tɔb.

Sekaria 12:4

N‑yoonn ngbaan kan, m ga cha ijawaan chuu baataan mɔmɔk ki cha bijab bi dik i pu na mɔmɔk waar. M ga li lik Juda aanib, le ki cha baadim aataan jɔb.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Sekaria 14:13

N‑yoonn ngbaan kan, Uwumbɔr ga ŋmal bilan ki cha ijawaan chuu bi sakpen, le umɔk fenn kan uŋeen aatɔb na kan, u ga tak u.

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.

Sekaria 9:13

M ga di Juda aanib kpaln uja aatɔm le ki di Israel aanib ŋa ipiin. M ga di Sionn aajab ŋa kijaak aajum, ki di jan Griik aajab kijaak.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Matiu 4:3

Le kinimbɔŋ u tɔŋni binib na dan u chee, le ki nan bui u, “Aa yaa ye Uwumbɔr Aajapɔɔn kan, bui ŋitakpal ŋimina aan ŋi kpaln tijikaar.”

Tibɔnyaan ti Luk ŋmee ti na 24:19

Le u baa bi, “Tilabɔr?” Le bi bui u, “Yesu u nan ye Nasaref aatiŋ aanii na aabɔr. U nan ye Uwumbɔr aabɔnabr la. U nan kpa mpɔɔn ki tun lijinjiir aatun; waaliin mu nan kpa mpɔɔn. U piir Uwumbɔr ni binib mɔmɔk aasui.

Lituln 18:24

Juu yaab aanii ubaa nan bi, bi yin u ke Apolos. Bi nan ma u Aleksandria aatiŋ ni la. Le u dan Efesus aatiŋ ni. U nan ye unii u nyi tibɔr aalem na, ki nyi tibɔr ti ŋmee Uwumbɔr Aagbaŋ ni na mbamɔm.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

2 Korenti 10:4

ki mu aa di binib aapɔɔn le jan kijaak ngbaan. Ti di Uwumbɔr aapɔɔn mu bii kinimbɔŋ aapɔɔn mɔmɔk na le jan ki. Ti len ki nyaŋ binib bi kpak Uwumbɔr aabɔr kinikpakpak na,

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

2 Timoti 4:7

M pɔɔn mbaa Uwumbɔr aasanyaan ni, ki tun maatuln doo, ki joo Yesu aabɔnyaan mbamɔm,

Josua 10:14

Yaajayoonn ki nyan liyaadaal ngbaan, ki nan saa din wee na, nwiin mbaa aa ki bi ke liyaadaal ngbaan na, liyaadaal ngbaan le Uwumbɔr kii unibɔn aamɔboln. Uwumbɔr le nan si Israel yaab pu ki ton butɔb ngbaan tii bi.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Tibɔkpiirkaan 19:17

Le m kan Uwumbɔr aatuun ubaa si nwiin ni. Le u teen mpɔɔn pu ki yin inyoon imɔk laani paacham na, ke i dan ki nan ji tijikaar sakpenn ti Uwumbɔr ga tii i na,

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”