Sekaria 10:4 - Uwumbɔr aagbaŋ

⁴ Bi ponn ni le bijojoob, ni bisalolm, ni bijab aaninkpiib ga nyan ni, ki nan li joo maanib.

Sekaria 10:4 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

Esra 9:8

Tidindaan Uwumbɔr, le aa san timi kinimbaak, ki cha ti ponn ni siib nyan tinaagbiir ngbaan ponn ni, ki ti koo nsuudoon ni, kitiŋ ki bi chain na ponn ni. Aa nyan timi tinaagbiir ngbaan ni, le ki tii timi limɔfapɔln.

Ilahn 118:22

Litakpal li bidimaab yii li na, lima le ye litakpajal.

Aisaya 19:13

Soann ni Memfis aatim aaninkpiib ye bijɔrb la. Baatuln le nan ye ke bi joo litimbol, le bi tee di bi yenn.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 49:2

U cha maamɔliin ka ke kijaak aajuk na. U nan joo mi uŋaal ni ki bɔr mi. U naan mi ke mpiin mu ka ki ŋeer bi too mu na la.

Aisaya 54:16

Min le naan uchaa u tuur mmii ki mɔɔ tijawan na. Min le ki naan butɔb aaja u joo tijawan ku na.

Jeremia 1:18

Jeremia, li pel. Kitiŋ kee pu aanib mɔmɔk—Juda aabɔrb, ni bininkpiib, ni bitotoorb, ga li kpak si. Tɔ, din wee le m bi tii si mpɔɔn mu aa ga di sil kiir bi na; aa ga li bi ke kitiŋ ki bi maa ŋigon kiir ki na la, ki naahn tikur aagoln, ki bi ke tikumann aagoln na. Baan ŋmaa nyaŋ si, ba pu? m ga li bi aa chee ki kiir si. Min Uwumbɔr le len kina.”

Jeremia 51:20

Uwumbɔr len ke, “Babiloŋ, sin le ye maagagaar, sin le ye maajawan ti m joo to butɔb na. M joo sin le wiil ŋitimbol ni nnaan,

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Sekaria 9:8

M ga li kii maatiŋ ki taa cha baadim aajab bɔ ki ponn ni jer. Maan cha bibiindam ki muk maanib. Min mbaa aanimbil ga li bi maanib pu.”

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Matiu 9:38

Nima pu na, ni li mee kisaak Aadindaan man ke u tun ni bidicheeliib bi nan chee waajikaar.”

Tibɔnyaan ti Luk ŋmee ti na 20:17

Le Yesu lik bi, ki bui bi, “U yaa kaa ŋa bi kina kan, Uwumbɔr Aagbaŋ aah len pu na aatataa ye kinye? ke, ‘Litakpal li bidimaab yii li na, lima le ye litakpajal.’

Efesusi 2:20

Nimi Yesu aanib naahn kidiik la. Bi maa nimi lidinyikl li ye Yesu aakpambalb ni Uwumbɔr aabɔnabtiib na pu la. Yesu Kristo ubaa le ye lidinyikl ngbaan aatakpakpaan.

2 Timoti 2:4

Uja u to butɔb na aatafal aa bi dulnyaa wee ni aabɔr ni; ba pu? u ban u piir waaninkpel aasui la.

1 Piita 2:6

Uwumbɔr Aagbaŋ len ke, “Lik, m lee litakpal li ŋan na ki di bil Sionn aatiŋ ni. M di litakpal ngbaan ki di siin kaalɔlɔŋ ni, le unii umɔk gaa u ki kii na aan ji inimɔɔn.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

1 Samuel 14:38

Le Sɔɔl bui binib ngbaan aayidam ke, “Dan do man, ki nan lik ke ba aatunwanbir ti tun din wee.