Sekaria 10:1 - Uwumbɔr aagbaŋ

¹ Mee Uwumbɔr ke u cha utaal nu unaalan yoonn. Uwumbɔr le cha utaal aataalangbam ni titaapupur choo, le ki cha timoor bunn ki tii unibɔn mɔmɔk.

Sekaria 10:1 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

Job Aagbaŋ 29:23

unii mɔk nan gaa ti iŋaal ilee ke bikpaab aah gaal unaalantaal pu na.

Ilahn 104:13

Aa cha utaal nya kitaapaak ki lir ni ŋigongon pu, le ki cha kitiŋ kani saanyoor.

Ilahn 135:7

U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 65:9

Saah gee kitiŋ pu na, le aa cha utaal nu; aa cha ki nyuun le ki kpa tijikaar. Aa cha nnyun gbiini ikpen; aa tii kitiŋ tijikaar. Saah ŋani ni pu na sɔ:

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Ŋiyataŋak 16:15

Ubɔr yaa lik faar unii kan, ni naahn ntaalangbam mu joo ni utaal kiseek ni na la, limɔfal bi nima chee.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Jeremia 10:13

U yaa len kan, le nnyun mu bi kitaapaak na ŋuuni ke uchinn na; u nyani ntaalangbam kitiŋ aanaanmɔk. Utaal yaa nu kan, u cha u moor ki cha libuln nyani waah siin li nin chee na.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 5:24

Naa ŋa nlandak daalbaadaal ke ni nyuŋ mi, hali maah tii nimi useetaal ni utakuutaal mɔmɔk pu, ki tii nimi lijikaacheel aayoonn pu libiln mɔmɔk na, naa nyuŋni mi.

Jeremia 51:16

Uma le len, le nnyun mu bi kitaapaak na ŋuuni; u cha ntaalangbam nyani kitiŋ aanaanmɔk ki choo. Utaal yaa nu kan, u cha u moor, le ki nyani libuln waah di li siin nin chee na.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

Jɔnn 16:23

“Liyaadaal ngbaan, naan ki baa mi tiwan nibaa pu. M tuk nimi mbamɔn la, ni yaa mee Nte Uwumbɔr tiwan nimɔk maayimbil pu na kan, u ga tii nimi.

1 Korenti 3:6

Min le bun tijikaar, le Apolos ŋani nnyun; Uwumbɔr le cha ti punni ki muuni.

Ikaal 28:23

Utaal aan nu nimi aatiŋ ni, le kitiŋ kuur ki pɔɔk ke tikur na.

Jemisi 5:7

Nnaabitiib, nima pu na, ni li kpa limɔr ki ti saa bundaln Tidindaan ga gir ni na. Lik man, ukpaal aah kpa limɔr pu ki kii buyoonn waasaak ga nan ŋa tijikaar nyaan na. U kpa limɔr ki kii unaalantaal ni utakuutaal aah ga nan nu pu na.