Sekaria 1:6 - Uwumbɔr aagbaŋ

⁶ M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Sekaria 1:6 ပူးပေါင်းရင်းမြစ်များ

2 Bibɔrb 15:12

Kina pu na, Uwumbɔr aah nan puu tipuur ti tii Jehu ke: “Aayaabitiib aayaabisɔsɔk ga li ye Israel yaab aabɔrb na” nan gbiin.

Job Aagbaŋ 6:29

Aa buen ti chaar jer a. Taa ki tun beebee aatuln. Taa ki bii mi. M kpa mbamɔn.

Aisaya 21:17

Bijab bi too itɔi na le kaar sakpen Kedar aajab ni, le bi ponn ni siib le ga gur. Min, Israel yaab Aadindaan Uwumbɔr le len kina.”

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Aisaya 55:1

Uwumbɔr bui ke, “Dan man, unii umɔk nnyunyuu joo u na, nnyun le na do. Nimi bimɔk aa kpa ŋimombil na, dan man, nan daa tijikaar ki ji man. Dan man, nan daa ndaan ni nnaabiin man, naan pa limombil libaa.

Aisaya 55:11

Kina le ga li ye ŋimɔbon ŋi m ga len na, ŋaan yii maah ban ke ŋi ŋa pu na; ŋi ga ŋa tiwan nimɔk m tun ŋi ke ŋi ti ŋa na.

Jeremia 23:20

kaan ŋmin see waah ban pu na mɔmɔk ti ŋa. N‑yoonn choo le waanib ga nan bee nimina mɔmɔk chain.”

Jeremia 26:15

Tɔ, li nyi man kina: ni yaa ku mi kan, nimi ni kitiŋ kee aanib aabɔr ga bii ke ni ku unii u kaa tun taani ubaa na, ba pu? Uwumbɔr le tun ni mi ke m nan sak nimi.”

Jeremia 28:17

Le Hanania nan kpo libinbaal ngbaan aaŋmalole ponn ni.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 36:28

le Uwumbɔr ki bui mi ke m ki ban kigbaŋ ki ŋmee tiwan ni mɔmɔk m nan ŋmee ŋa njan yaak ni na.

Jeremia 39:16

ke m tuk Ebed Melek, u ye Kus aanii na ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Maah nan len ke m ga ŋa pu na, m ban m joo ni kitiŋ kimina libiil la, naan li ye nkam. Nimina yaa nan ŋa kan, aa ga li bi nima ki kan ni,

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 44:28

Tɔ, siib ga nya nkun ni ki gir nya Ijipt ni ki kun ni Juda aatiŋ pu. Binib bi ga ŋmar na ga bee ke min ni biken na, ulau aamɔbon gbiin.

Jeremia 44:29

Min Uwumbɔr ga tii nimi limɔkl ke m ga daa nitafal do, ki ki mɔk ke maah puu ke m ga cha tibɔbir ti dan ni pu na ga gbiin kina.

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Inandalahn 3:42

“Uwumbɔr, ti tun titunwanbir ki yii saamɔb, le saa di cha pinn timi.

Esekiel 20:43

N‑yoonn ngbaan le ni ga teer naah nan dii pu ki ŋani tiwan ni tii nibaa tijɔŋ na bɔr. Le niponn ni ga li sukr nibaa pu, naah nan tun titunwanbir ti mɔmɔk na pu.

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Daniel 4:28

Tɔ, nimina mɔmɔk nan ŋa Nebukadnesar kina.

Hosea 5:9

Ntafadaan aawiin choo, le Israel aatiŋ ga ber. Israel aanib, nimina ga sil ŋa.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Amos 9:10

Titunwanbirdam bi ŋmal maanib ni na ga kpoi butɔb ni, binib bi mɔmɔk len ke, ‘Uwumbɔr aan cha kinimbɔŋ duun ni timi’ na ga kpoi.”

Sekaria 1:7

Darius aah nan ye ubɔrkpaan pu na aabileler aaŋmapiik ni ubaa, uŋmal u bi yin u ke Sebat na aawiin moninko ni inaa daal, le Uwumbɔr nan kpiir tibɔr tee tuk mi tidaŋ ni, kinyeek.

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Nkahm 33:56

Ni yaa kaa jenn nyan bi kan, m ga kuln nimi, ke maah dak ke m ga kuln bi pu na.”

Matiu 24:35

Paacham ni taab ga jer. Maamɔbon ma aan jer.”

Ikaal 28:15

“Tɔ, ni yaa yii Nidindaan Uwumbɔr aamɔb, kaa joo waakaal, ni waah bui nimi din wee pu na kan, tibɔbir timina mɔmɔk ga dan ni pu:

Ikaal 28:2

Ni kii Nidindaan Uwumbɔr aamɔb, le tinyoor timina mɔmɔk ga li ye nimi yaan.

Ikaal 28:20

“Ni yaa tun titunwanbir, ki yii Uwumbɔr kan, u ga cha falaa dan ni pu, le nimi aalandak ŋmal. Tibɔbir ga dan tiwan nimɔk ni ŋani na mɔmɔk ni, le naan yoor n‑yoonn, le ni kuln kookoo.

Ikaal 28:45

“Tibɔr ngbaan mɔmɔk ga dan ni pu, le ki li bi kina ki ti kuln nimi, ba pu? ni yii Nidindaan Uwumbɔr aamɔb, kaa joo waakaal imɔk u di tii nimi na.

1 Tesalonika 5:4

Nnaabitiib, nima aa bi mbɔmbɔɔn ni. Nima pu na, ni taa cha Tidindaan aawiindaal ŋa nimi lijinjiir ke unaayuk aah fuur ni pu na.